February 2007

Home

Gëschter hun ech een aalen Text vu mer gelies, deen iwwert d’Gefill, dass mäi Frëndeskrees sech ännert, an hu mech gefrot wou dat Gefill hin ass, well och elo ass mäi Frëndeskrees amgaangen sech z’änneren. Ech hat mer d’Fro wahrscheinlech ze fréi am Dag gestallt.
Gëschter war dee bis elo komëschsten Dag am mettlerweil net méi sou ganz neie Joër. Mëttes hun ech déi éischte Kéier zanter September mol erem eng Kéier an der Kichen giess, ganz erstaunt driwwer ewéi propper et do war. Allerdéngs och net fir laang, well de Moien hate mer scho nees ee Portier hei, deen eis erklärt huet, dat wier elo definitiv fir d’Lescht, dass mer géinge gewarnt gin. Soit, ech bezuelen léiwer déi £30 Stroof well si net botzen wéi dass ech hieren Knascht ewech raumen, well dann mussen si wéinstens och blechen. Déi dreckeg Kichen war dann och Thema gëschter Metteg beim Iessen, wou ech erstaunt festgestallt hun, dass et eigentlech just dräi vu menge Matbewunner sin déi dee ganze Bordell maachen. Dat erstaunlechst dobäi war awer, dass ech tatsächlech knapps zwou Stonnen mat e puer vu menge Matbewunner geschwat hun – Rekord bis elo, well ech se soss am Dag net gesin an owes meiden ech se well se dann souwisou net an engem sozialen Zoustand sin.
Nomëttes dunn nom Cours sin ech vun puer Kolleegen gefrot gin, fir eppes drénken ze goen. Dat un sech ass natirlech näischt mémorabeles, mee de Fait, dass ech dobäi gefrot gouf op ech mer d’nächst Joër well eng Bud mat hinnen deelen iergendwéi schon. Mer verstin eis relativ gudd, lauschtren déi selwecht Musék an sin alleguer zimlech op engem Sci-Fi Trip, an si sichen eng Wunnéng zu Cathays, de Studentevéirel zu Cardiff. Ech spille mam Gedanken déi Propos unzehuelen, mee wéi alles brauch och dat Bedenkzäit – allerdéngs leeft Zäit mer och sou lues fort, well d’Wunnéngen méi séier vum Marché verschwannen wéi se opdauchen. Bon, dat ass net d’Thema vun desem Post a wierklech vill beschäftegt hun ech mech mat deem Gedanken souwisou nach net.
Wat komësch war bei deem Patt gëschter war virun allem d’Tatsaach, dass een dobäi war, mat deem ech zwar eng Rei Coursen zesummen hun, mee mat deem d’Kommunikatioun sech bis elo op déi virtuell Welt begrenzt huet – wees der Däiwel firwat. Bei sou engem blöde MySpace Bulletin ass eis jiddefalls virun e puer Wochen opgefall, dass mer vill gemeinsam hun an eis géigesäiteg fir eis Kuerzgeschichte bewonneren an zanterhier wollte mer eigentlech emmer een drénken goen, mee t’wollt ni klappen. Normalerweis léiert ee, zumindest a menger Welt, Leit kennen a fänkt dann un se ze respektéiren a schätzen, hei ass et paradoxerweis emgedréit – d’Fro war ni op mee wéini mer géinge Kolleege gin.
Ech hun mer onheemlech oft an de leschte Méint d’Fro gestallt, op ech erem well zeréck op Lëtzebuerg no mengem Studium, an wat ech méi driwwer nogeduecht hun, wat meng Zukunft emmer manner mat Lëtzebuerg ze din hat. Natirlech gin et Leit a Saachen an deem Land, déi ech vermessen, mee ech haassen Lëtzebuerg schon eleng wéinst sengem Spießbiergertum deen d’Nues méi héich hierwt wéi verschidden Aristokraten an dem iwwerdriwwenen Pseudofranséisch (“mir hun eis tutiséiert” (sic!) fir “mir hun eis gedutzt”). Déi lëtzebuergesch Mentalitéit ass einfach keng déi ech respektéiren kann, emol ganz ofgesin dovunner, dass Lëtzebuerg wahrscheinlech déi eenzeg Haaptstaat op der Welt ass déi sech um Punkt 18 Auer an eng Geeschterstaat verwandelt.
Wéi ech dunn awer gëschter gefrot gouf op ech mer wéillt eng Bud mat deene Leit deelen an ech mech direkt wahnsinneg gudd mat deem Kärel verstaanen hun, ass mer kloër gin, dass Lëtzebuerg verloossen net nemmen eng Firstellung, mee eng real Méiglechkeet ass. Ufanks hun ech mech gefreet, dass ech ufänken ee richtegt Liewen hei opzebauen, mee wéi ech dunn owes den RTL Journal gekuckt hun, krut ech Heemwéi. An deem Journal hun se eng Animatioun vun der Neier Bréck gewisen, wéi iergendsou ee lëtzebuerger Designer se well embauen, an dee Moment gouf mer kloër wat ech eigentlech géing zeréckloossen, géing ech wierklech hei – oder soss enzwouch am Ausland – mäi Liewen verbréngen. Nee, net d’Nei Bréck, mee, sollt ech dee statisteschen maximalen Alter erreechen, iwwert ee Véirels vu mengem Liewen. A Lëtzebuerg bleiwt net dee sécheren Hafen wou ech emmer erem kéinnt hin, egal wéi stackkonservativ dat Land ass, mee wier net méi dat selwecht wann ech géing eremkommen. T’ass et elo scho net méi. D’Land fillt sech elo eigentlech schon un ewéi um aneren Enn vun der Welt – ech wees zwar, dass iergendeppes um Haff net stëmmt, mee hun absolut keng Ahnung wat; ech wees, dass d’Kulturjoër ass, mee außer engem Cercle dee blo agekleedt gouf an engem bloen Hirsch virum TNL hun ech näischt dovunner gesin – herrje, ech wousst emol net, dass d’Eröffnungsfeier wier bis ech dem Joël säin Angscht a Schrecken zu Lëtzebuerg gelauschtert hat.

Revelation

“Alright man?”
“I’m fine except I’m feeling a bit drowsy. Do I know you?”
“Not yet. But I can tell you the reason why you’re feeling odd.”
“Really…? And why do I feel so strange?”
“You’re still lying on this bench but you’ve lost the right to do so a couple of minutes ago.”
“What’s that supposed to mean? You don’t think I’m a homeless only because I have the newspaper lying on my stomach, do you? That’s only because I fell asleep earlier. Are you a cop? I got my ID if you don’t believe me…”
“I’m not a cop.”
“So who are you then?”
“It’s not so much a question of who but rather a question of what. I’ve had various names throughout history.”
“Look man, I have no idea what your point is, but you’re starting to get on my nerves.”
“That would be kinda hard actually.”
“And what’s that supposed to mean?!”
“Your nerves are already falling apart. Pretty soon all that’s left of you will be dust.”
“Dust?”
“I’m sorry man, but you died ten minutes ago.”

Musikalesch gett et een intressant Joër

Lo wou dee neisten Album vu Bloc Party dann endlech eraus ass hun ech mer mol duerchgekuckt, wou dann déi aner gudd Bands sou drun sin wat ee neien Album ugeet. Hei sin déi, op déi ech mech an de nächste Méint freen. Weider Emfeelunge wellkomm. :)

13. Februar: Jann Arden – Uncover Me
19. Februar: Air – Pocket Symphony (No 3 Joër. Endlech!)
20. Februar: Explosions In The Sky – All Of A Sudden I Miss Everyone
6. März: Maria Taylor – Lynn Teeter Flower
13. März: Aqualung – Memory Man (Oh yes!)
20. März: LCD Soundsystem – Sound Of Silver
1. Mee: Black Rebel Motorcycle Club – Baby 81
22. Mee: Hanson – The Walk (Jojo, mee als Indierocker si se richteg gudd.)

Peter Gabriel, Auf der Maur, Sigur R??s, Radiohead a Rufus Wainwright anscheinend och, mee do hun ech keen Datum fonnt.

An Insomniac’s Monologue

Written during an exercise in class. There are only two rules:
1. You have fifteen minutes to write a short prose text.
2. You are not allowed to stop writing.

Sunday morning. I hate Sunday mornings. What time is it anyway? Only 7 a.m. I could use some sleep. Twenty-hours without closing my eyes. That can’t be healthy. I hate sleep. Mostly because I never manage to fall asleep. And if I do, I dream a lot. Well, everyone dreams. But I have the incredibly bad luck of remembering my dreams. It would be great if they were enjoyable but my thoughts are far too twisted.
Last week I shot my ex-girlfriend. Last Friday I married her in some cheap Las Vegas-like church. Maybe it was Las Vegas. I don’t know. I’ve never been there. But it looked like the churches you would see in the movies. Didn’t Britney Spears get married in Las Vegas once? Great! Britney Spears. I hate her. Now I can’t go to sleep, I’ll probably have some weird dream of drowning her in her pool. And then I’d swim in the pool myself without even thinking about what I’ve done. I always wanted a pool. I didn’t go swimming in ages. I think the last time I went was five years ago. Those were the days! The summer holidays just before I switched high schools. Oh, did I have strange dreams back then! But none was as weird as what really happened in that school. How many people drink Scotch in class and cook lunch during the last class on mornings? It might not be extraordinary, but it was to me. Nothing like that could’ve happened at the private school where I went to before. I’m glad I left that school. That’s probably the reason why I hate churches so much. Praying every morning. Who wouldn’t go crazy? Wait. I shot my ex-girlfriend. We married in an ugly church. That’s it! I finally get the meaning of those dreams!
Maybe I’m just really tired and my mind gives me that explanation only so I go to sleep. What time is it anyway? 7.15 a.m.

“I like to call him the Haitian sensation that’s sweeping the nation.”

Endlech. No Stonnen ronderemprobéiren a Code liesen hun ech de System endlech geknackt. Ech verstin einfach net, firwat et just an Amerika legal Méiglechkeeten gi fir Fernsehserien via Internet ze kréien. Ech wier éierlech bereed ze bezuelen wann ech eng Serie kéinnt am iTunes oder soss enzwouch kréien. Mee t’ass mer elo awer egal. Heroes ass mat de Kommentaren vun de Schauspiller souguer nach eng Kéier sou cool. A wou ech un déi nei Folgen kommen, doriwwer brauch ech mer och endlech keng Gedanken méi ze maachen.

T’ass amfong geholl simpel: een High Anonymity Proxy mat US amerikanescher IP Adress an d’Auer op eng amerikanesch Zäitzon stellen. Fir op dat mat der Auer ze kommen hun ech am längste gebraucht. Een transparente Proxy geet iwweregens net. Dee selwechte Prinzip funktionéiert och bei ABC, mee deenen hiere Server ass sou lahm, dass et net wierklech ee Wert huet.
Nee, wou der een High Anonymity Proxy fannt, verroden ech net. Einfach googlen. Déi si nämlech verdammt rare a Bandbreet ass eppes kostbares, dofir maachen ech keng Relamm hei fir deen deen ech benotzen. :)

D’Situatioun an Italien

Ech hun an den däitschsprochege Medien relativ vill Informatiounen gelies, déi absolut net mat deem zesummepassen, wat italienesch Medien berichten, dofir hei mol een Iwwerbléck iwwert dat, wat se an Italien soen.

Nodeems e leschte Freideg déi zweet Persoun – een 38 Joër aalen Chefinspekter vun der Police – bei massiven Ausschräidungen bei engem Fussballmatch duerch ee selwergebaute Sprengstoff op Sizilien am Stadion Massimino em d’Liewen koum – fir genau ze sin hat en een Herzstëllstand an der Klinik – ass an Italien verständlecherweis eng grouss Oprou ausgebrach.

De Virsëtzenden vun der FIGC Sonderkommissioun (Federazione Italiana Giuoco Calcio = italienesch Fussballsfederatioun) huet bekannt gin, dass bis op weideres alleguerten d’Fussballsmatcher ofgesot gin, wat vum FIGC Präsident Luca Pancalli dunn nach eemol bestätegt gouf. Dat bleiwt och esou, bis radikal Ännerungen duerchgesat goufen déi garantéiren, dass esou eppes net méi virkennt.

Während se am RTL Journal vu gëschter déi ganz Affaire – wien wonnert et? – nemme bäileefeg erwähnen – dofir awer erklären wéi eng Medikamenter ee muss bei Heeschnapp huelen a schon erem ausgiebegst iwwer den Autosfestival berichten – an souguer behaapten, et wiere 70 Leit verletzt gin, ass d’Réalitéit eng aner: tatsächlech waren et 70 Polizisten an am Ganzen iwwert 100 Verletzter – d’Klinik (Ospedale Garibaldi) huet den Noutstand déklaréiert.

Den Giorgio Napolitano (Staatspräsident) verurteelt den Zweschenfall schaarf an de Franco Marini (Präsident vum Senat) schwätzt souguer vun engem “Schlachtfeld”. Während de Romano Prodi festhällt, dass “eng kloër Botschaft muss gesendt gin fir d’Degeneratioun vum Sport ze verhenneren” (ass et net scho längst ze spéit?), erklärt d’Giovanna Melandri (Sportministesch), dass d’Toleranz vun der Regierung mat desem Zweschefall definitiv iwwerschratt wier an hällt et mam Giuliano Amato (Innenminister), dee sot dass d’Liga eréischt weidergeet, wann “fundamental Ännerungen an der Fussballpolitik duerchgesat goufen”.
Net d’Giovanna Melandri, wéi d’schwäizer Tagesschau dat behaapt, mee de Clemente Mastella (Justizminister) schwätzt vun engem “Krebsgeschwür” dat muss “ausgerott gin” – an dat “em all Präiss”.

Um Site vu Palermo liest ee währenddeems just ee kuerzen Text:

Op déi schwéierwiegend Zweschefäll ronderem de Match Catania-Palermo … hin, ass all Kommentar zum Match iwwerflesseg. D’U.S. Città di Palermo dréckt hiert opriichtegt Bäileed aus.

An de Site vu Catania ass komplett offline, a weist just eng schwaarz Säit mat folgendem Text:

Et deet eis leed, mee et ass absurd an desem Moment iwwer Fussball ze schreiwen. Mir denken eenzeg an eleng un d’Famille vum Inspekter Raciti, dee beim Versuch déi öffentlech Uerdnung ze bewahren, während engem Match em d’Liewe koum.

Hei gett et ee kuerze Video. En ass zwar op italienesch, mee t’geet jo haaptsächlech em d’Biller.

Quell 1, Quell 2, Quell 3, Quell 4, Quell 5, Quell 6, Quell 7

Mrs President

And let me add one other thing, and I want to be very clear about this: if I had been president in October 2002 I would not have started this war. I would not. And if we in Congress, working as hard as we can to get the sixty votes you need to to anything in the Senat – believe me, I understand the frustration and the outrage; you have to have sixty votes to cap troops, to limit funding, to do anything – if we in Congress don’t end this war before January 2009, as President, I will.

Weider Punkten vun der Bush Politik déi et ugräift: steigend Armut, keen Zougang zur Erzéiung, den imminenten Zesummebroch vum amerikaneschen Gesondheetssystem, Opschwong vun der Ekonomie vis-à-vis vu China, an, dee wahrscheinlech mat Ofstand wichtegste Punkt, Opleenen géint d’Uelegindustrie a Recherchen am Beräich vun erneierbarer Energie.
D’Hillary Clinton wees op alle Fall wéi een e Waalkampf féiert – t’ass jo och net säin éischten. Bis d’Waalen ass et zwar nach laang, mee aktuell ass et meng Favoritin.

Chris Moyles aka The Saviour of BBC Radio 1

Eleng all déi genial Jingles während där Sendung sin et scho wert all Dag anzeschalten.

[audio:moylesjingle.mp3]

De wöchentleche Podcast mam Best Of gett et iwwregens hei.

Fir déi Leit deenen et ze schnell geet:

Three long years we’ve worked for you and tried to entertain; getting up at 5 a.m. it starts to fry our brains; the only reason why we stay you seem to think we’re funny and we get lots of freebies and a big big bag of money. The Chris Moyles Show, we’re doing it for the money. International Radio 1.

Woxx vs Blogdelux

Wéi de Joël schreiwt, beschäftegt sech an der aktueller Ausgaab vun der Woxx den Artikel vun der Woch kritesch mat deem wat fir vill Oprou gesuergt huet an de leschte Wochen: Blogdelux. Als bis elo eenzege recherchéierten Artikel beschäftegt sech de Journalist kritesch mat där ganzer Affaire a geet ennert anerem drop an, dass déi Lëscht vu Bloggen eigentlech guer net sou gudd ass, wéi Culture Buzz dat duerstellt.
Esouguer meng Banneraktioun “Blogbuerg net Blogdelux” gett kuerz erwähnt, zwar leider ouni mäi Blog explizit ze nennen, mee emmerhin.