Lénksrevolutionär Jugendpartei Lëtzebuerg

Lëtzebuerg huet eng nei Partei. Eng géint de Neoliberalismus. Eng vu Jonken. An dat Ganzt fänkt och nach relativ villverspriechend un:

Deswegen fordern wir die Abschaffung der Monarchie und Einführung der Republik, mit einem vom Volk gewählten Präsidenten.

A geet villverspriechend weider:

Zuerst mal das Erpressen der Bürger von Jean-Claude Juncker, dass er zurücktreten würde wenn die Mehrheit “Nein” würde stimmen. Natürlich ist dass sein gutes Recht doch dies einen Monat vor dem Referendum mitzuteilen riecht stark nach Manipulation. Viele Bürger, besonders ältere, haben nicht mehr für “Ja” oder “Nein” zur Verfassung gestimmt, sondern “Ja” oder “Nein” zu Jean-Claude Juncker. Darum ging es aber leider nicht.
Dazu kommt noch, dass das “Comité pour le Non” mit keinem Cent unterstützt wurde. Auf jeden Fall muss die Regierung, wenn sie ein Referendum organisiert, die beiden Seiten finanziell gleich unterstützen, dass gehört zur Demokratie, auch wenn die Regierung diese Meinung nicht unterstützt.
Deshalb mehr Referenden, für unser Land!

Allerdengs stellt sech do schon emol direkt d’Fro, op eng Natioun déi sech sou schrecklech gäre manipuléiren léisst a radikal alles fir bor Mënz hellt wat den Här Juncker seet, mat Referenden ennert engem President Juncker – well e géing garantéiert als solche gewielt gin – wierklech esouvill weider wier.

Kuerz drop geheien se dann awer all hier rational argumentéiert revolutionär Virsätz iwwer Bord an kommen wéi all Politiker mat Beweiser déi keng sin:

Auf jeden Fall ist es ein Fakt, dass jemand der aus einem Pilote-Projet auf eine “normale” Schule kommt überhaupt nicht mehr mithalten kann !

Verbessert mech, wann ech ech mech irren, mee et ass dach nach kee Schüler duerch déi 3 Joër Pilotprojet gaangen, dat war dach schon eleng zäitlech guer net méiglech?

Ech wollt eigentlech net op hiert miserabelt Däitsch agoen, mee am Senn vun der Éducatioun sin déi Sätz hei relativ witzeg:

Das Niveau wird schons so jedes Jahr runter geschraubt, nicht unbedingt vom Programm her sondern mit irgendwelchen Kompensierungsregel.
In dem jetzigen System ist dies nicht akzeptabel, die Schüler müssen auch etwas leisten und dass in jedem Fach in der Richtung die er eingeschlagen hat.

Mat de Casus an dem Ennerscheed tëscht “dass” an “das” hun se jiddefalls um ganze Site sou hier Schwieregkeeten.

Si sin och géint de Krich:

Nach Ende des 2. Weltkrieges wollte Luxemburg aus verständlichen Gründen nicht mehr neutral sein, und ging ein militärisches Bündnis mit anderen Staaten ein, der NATO.
Dieses Bündnis ist heute aber nicht mehr gerechtfertigt.

Dovunner kann een haale wat ee well, ech perséinlech fannen et e besse größewahnsinneg Lëtzebuerg als Virreider vum Fridden dohinner ze stellen an op eemol aus sämtleche militäresche Bündnisser auszesteigen. Ech sin absolut net fir Krich iergendenger Art, mee ech sin net der Meenung dass Lëtzebuerg genuch politescht Gewicht huet fir do eppes z’änneren. Wann mer austrieden an et kennt senger Liewen awer zu engem Krich, si mir déi domm bei der Saach.

Si fuerderen ennert anerem eng sozial Maartwirtschaft.

Die Produktion muss stärker kontrolliert werden, dass es im Inland nicht zu einem konkurrieren von Betrieben kommt.

Si wellen awer keng Planwirtschaft. Fro: wéi soll dat méiglech sin? De Fortschrett entsteet nemmen duerch Konkurrenzdenken. Wann keng Konkurrenz do ass, firwat soll een an Weiderentwécklung investéiren, d’Leit si jo souwisou gezwongen de Produit ze kaafen, egal wéi schlecht en ass. Wat si an deem Saatz do fuerderen si Monopolstellungen, an dat ass den Ennergang vun all Gesellschaft.

Man muss die Liberalisierung der öffentlichen Firmen wie z.B der Post, CFL usw… stoppen und die Arbeitsplätze dort retten, die abgebaut soll werden.

Ganz am Géigendeel, et muss een zumols d’Post nach vill méi liberaliséiren. D’Post ass net grad de Synonym fir Fortschrett, wat firun allem doru läit, dass dem Staat nach emmer ee groussen Deel vun deem Betrieb gehéiert, d.h. obwuel d’Post zanter Joëren keng wierklech Innovatiounen op de Marché bruecht huet, fléissen trotzdeem nach emmer Steiergelder an déi Entreprise.

Der Staat muss auch weitere Firmen verstaatlichen, sodass es nicht mehr zu solchen Fällen wie die von Mittal Steel und Arcelor kommt.

Am Endeffekt war et awer de Staat deen d’Fusioun zougelooss huet nodeems genuch Suen um Dësch louchen.

Desen Artikel géing ze laang gin, wann ech elo alles géing opgräifen wat se op hierem Site schreiwen, well eent muss een hinnen loossen, si hun sech wierklech ameséiert vill Aspekter vun der Politik opzegräifen an hier Meenung dozou nidderzeschreiwen. Leidergottes verhaalen se sech dobäi awer schon ewéi richteg Politiker an zielen falsch Fakten op oder gin engem just d’hallschent vun den Informatiounen. Sou stellen se den Albert Einstein zwar als ee groussartege Sozialst duer, vergiessen awer dobäi komplett z’erwähnen, dass hien dem President Roosevelt d’Entwécklung vun der Atombomm recommandéiert huet.
Alles an allem fannen ech et luewenswert, dass sech ee Grupp 16, 17-jähreger sou fir Politik intresséiert, mee am Endeffekt bleiwt de battere Bäigeschmaach, dass do nach een gudden Deel Senn fir Realitéit feelt. Hier Zieler si gréisstendeels kommunistesch, dobäi iwwersin se awer leider, dass Kommunismus net kann vun enger Partei aus kommen, mee dass et aus fräie Stécker vum Vollék aus muss geschéien. Eist Land ass awer esouwäit ewech vum Kommunismus wéi et nemme geet, wat eleng schon d’Resultater vun der KPL beweisen. De Probleem vum Kommunismus ass am Endeffekt nämlech emmer dee selwechten: et ass nemmen eng Wonschvirstellung, eng theoretesch Weiderentwécklung vun der Demokratie, an kee wees op a wéi dat ze realiséiren ass – dee leschte Schoss goung jo zumindest kräfteg no hanne lass.
Vläit gett awer nach eppes aus där LRJPL, gudd Usätz hun se jo zumindest deelweis. A besser wéi déi berühmt berüchtegt FPL sin se allemol.

38 thoughts on “Lénksrevolutionär Jugendpartei Lëtzebuerg”

  1. FPL?
    De Link ob déi Sait geht net.

    Interessant, ass déi eischten Keier daat ech vun denen heiren, an et iwerrascht mech och. Déi meescht jonk d?éi ech kennen wou am “lenken Eck” sin, sin extrem anti-partei (waat ech och novollzeien kann!) an oft op der anarcho(-vegan)-schin, waat zu relativen Extremen feiert – waat ech schued fannen. Woubai ech naischt geint Anarchismus gesoot wellt hun, emmerhin glewen ech en steckwait selwer dorunner! ;-)

    En fait ass eist Land net ESOU wait wech vum Kommunismus, waat Sozialleeschten unbelaagt, och wann déi lo am Moment lues an lues deconstrueiert gin. Mee bon, natirlech ouni Planwirtschaft asw. Woubai et och um Sozialsystem nach villes ze verbesseren geif, mee am Verglach mat aanere Länner.

    Daat de Kommunismus aus dem Volek muss kommen, do gin ech der 100% Recht, an do verstin ech Leit eben net déi sech “verstoppen” an hiren Truck irgendwou an engem Eck maan mee nemmen net un d’Presse gin oder wou ech eben d’Gefill hun, daat se sech verkapseln. (veganer déi schon baal net méi mat der schwätzen wanns de fleesch ess, etc.)

  2. Interessant fannen ech awer daat mir lo 4(!) kommunistesch/lenk Partein op 460.000 Awunner hun.
    Schued, daat et LCR net méi ged ;-)

  3. gott, wann ech deenen hier homepage scho kucken :)
    Wir proposieren 2 Alternativen
    Wann een schon eppes offizielles deichselt, dann evtl ouni feeler
    ech fannen dat doten gesait eischter noo enger grupp aus, dei fuesend eng zevill am gesiit haaten

  4. @ Joël
    D’FPL war eng zimlech kläglech organiséiert nationalistesch Partei déi zu praktesch näischt eng Meenung haten bei den leschten Waalen: http://en.wikipedia.org/wiki/Free_Party_of_Luxembourg Si hu keng Säit (méi), dofir hun ech och kee Link drop gesat. ;)
    Géint Anarchismus géing ech och näischt soen, ech sin selwer een. Woubäi dee leider oft messverstanen gett, wat net zulescht u sou Leit läit wéi déi déis du beschreiws, an un de Medien déi Anarchismus als ee Chaos beschreiwen, wat méi falsch net kéinnt sin.
    Dass mer souvill Parteien op sou wéineg Awunner hun ass vläit intressant, mee trotzdeem bréngt keng Partei et färdeg gewielt ze gin. Et schéngt e bessen esou, wéi wann all d’Kommunisten an enger Partei wieren an si sech just selwer géinge wielen.

    @ Thorben
    Ech gin zou hier Opmaach ass net déi bescht, an dat léisst dat Ganzt e bessen onserieux wierken, mee ze behaapten, dass se dat am Soff gemaach hun fannen ech onfair, dofir hun se sech dann awer zevill Gedanken gemaach (och wann ee groussen Deel vun hieren Theorien just an hierem idealen Weltbild funktionéiren, mee emmerhin, dat ass méi Engagement wéi bei de meeschte Jonken). Si hätte bei de nächste Walen net vill Chance, mee hieren Programm ass méi ausgebaut wéi dee vum Multikulti an dee vun der FPL, an zumols d’Fräi Partei hun sech selwer enorm serieux geholl. Déi Tatsaach eleng fannen ech scho respektabel.

  5. Et as op mech bessen beängschtegent, waat si deelweis schreiwen. Entweder kruuten se villes ni erklärt oder hun et falsch verstan. Kloër sin se na jonk, mee do sin trotzdem Saachen dobai wou een awer kéint drop kommen dass daat sou net sou einfach geet.
    Fir mech kënnt do e bessen “Viva la revolucion” an Hallefwessen beieneen an doraus gëtt dann daat doten. Dovun oofgesin dass si als Partei wahrscheinlech sou guer net unerkannt gin well se net volljähreg sin?

  6. Jo, do gin ech der Recht. Wann ech géing eng Chance gesin, dass se kéinnte gewielt gin, géing ech et och vläit méi enk gesin, mee sou sin ech firdéischt emol gréisstendeels iwwerascht, dass se sech iwwerhaapt dofir intresséiren. Och wann hiert Wessen wéi eis Gesellschaft funktionéiert arg begrenzt an zu engem gudden Deel radikal falsch ass. Dat kéinnt een geféierlech nennen, mee dass déi do jemols gewielt gin ass sou wahrscheinlech wéi dass de Juncker ofgesat gett.

    Bis 2009 sin se volljähreg, dann kéinnten se theoretesch eng legal unerkannte Partei gin a net nemmen eng selwer proklaméiert. ;)

  7. lol, lo erenneren ech mech un d’FPL. Et gouf zwar och mol méi krass riets Parteien à la “Letztebuerg de Letzeboier!”. Wann interesse do ass sichen ech déi lescht an mengem civiques-buch ;-) Et gouf zB. och d’Ekologisten fir de Norden ;)

  8. Hehe jo Lëtzebuerger hun schon louche Parteien gegrennt. :) Ekologisten kéinnte mer zwar erem gebrauchen an enger Zäit an där déi Gréng sech eigentlech misste Kapitalistesch Partei Lëtzebuerg nennen…

  9. Déi Greng keinten eigentlech mat der CSV fusionéiren an do de grengen Fliggel bilden. Vill Ennerscheed wier et net. ;-)

  10. Ech mengen dat ass dem Här Bausch säi plang, wann ee sech ukuckt wéi deen emmer beim Här Juncker schläimt. ;)

  11. :) lusteg
    an den link geet nach emmer net thierry (deen am haaptpost)
    ech sin och der iwerzeegung dass een keng parteicampagne zum deel op enger persoun opbaut, hei den juncker, dat as grad sou klenglech wei dei leit dei den vote als jo oder nee fier den juncker ugesin hun. richt fier mech no: hmm do waren leit net averstaan mir trieden mol an d’oppositioun an benotzen mol dat wou mer wessen dass et eng grouss polemik war (em schlussendlech net ganz fill, dat ass fier mech keng erpressung mee schwarzen humor wat de bokassa do opgefouert huet; vu dass ech iwerzeegt sin dass grad sou fill leit den vote beemol als nee zu bokassa benotzt hun)
    an soyant seriö d’muss een den bokassa net gär hun mais sou schlecht schmeisst en dei ganz affaire guer net an demokratesch gewielt ass en och :).
    bzw zu deenen grengen: wat mech nach am meeschten steiert sin hier “louche” astellungen zu aneren punkten an der politik, notamment bildungswiesen etc… schon leng doweinst geing ech se net wielen a wann hier emweltpolitik nach sou gutt wier(wat se net ass)

  12. De Juncker ass eenzeg an eleng nememn dowéinst nach emmer Premier, well d’Leit em aus der Hand friessen. “Wien hues du dann gewielt?” dann kennt als Enwert: “Ma de Juncker, dee wees wat e mecht!”, oder wat ech och extreem oft héiren hun: “De Juncker, well meng Mam sot dee wier gudd.” D’Lëtzebuerger hun am grousse Ganz null awer wierklech radikal absolut guer keng Ahnung vu Politik, an genau dofir gett de Juncker eremgewielt. Dee Mann versteet sämtlech Schold permanent emmer op d’Koalitiounsparteien ze schieben, aktuell schiebt e jo lo gären d’Emweltverknaschtung op d’Koalitiounspartei. Dat ass net nemmen belleg, dat ass bescheuert. Eng Regierung besteet aus zwou Parteien, wann eng Regierung Mëscht baut, sin déi zwou Parteien Schold ganz egal wien de jeweilege Minister am Endeffekt gestallt huet. T’ass jo net sou wéi wann dat zwee verschidde Lageren wieren an déi kéinnten allebéid wurschtlen wat se wellen, wann se Schäiss bauen ass et d’Aufgab vun der Regierung anzegräifen. Mee de Juncker ass natirlech ee wäisst schwaarzt oranget Schoof an un allem onschelleg. T’ass och net seng Schold, dass de Frieden Minister ass an souvill Dommheeten mécht, t’ass och net séng Schold dass den Krecké bal déi gesamt europäesch Wirtschaft an den Arsch gesat hätt. Nee, de Juncker ass ee feine Mann dee wees wat e mécht. Ech hun déi Astellung bis uewenhinner saat, dass d’Leit nach emmer der Meenung sin de Juncker wier guer net sou schlecht. Wéi wann een als Premier nemmen kéinnt nokucken während d’Regierung ee Feeler nom anere mécht, an sech tëschenduerch op d’RTL Waalparty all puer Joër rammelvoll laafen loossen goen.
    Genau dat wees onsen tubaksüchtege Premier mam Alkoholprobleem, dass d’Leit ze domm sin dat z’erkennen. An dofir war dat kee schwaarzen Humor, mee Erpressung. E wousst ganz genee dass dee gréissten Deel vum Land dann garantéiert géing jo stemmen, ganz egal wat an der Constitutioun drasteet.
    Demokratesch gewielt ass en, an ee Vollék huet emmer den Herrscher deen et verdéngt, mee dofir ass et nach laang kee gudden Herrscher.
    Hu mer eng Partei mat engem deen kapabel wier anstänneg ze regéiren? Nee. Definitiv net. Ass de Juncker a seng CSV déi bescht Alternativ? Kaum. De Lëtzebuerger ass een arrogant Véi, deem et schäissegal ass wien un der Spëtzt setzt a wat deen alles dreiwt, soulaang en seng Rou huet an sech keng Suergen brauch ze maachen iwwer dat wat iwwer säi minimalen Horizont erausgeet. Dat ännert sech wuel ni. Soulaang behaalen mer de Juncker oder soss een CSV Männchen un der Spëtzt. Soulaang geet eist Land weider d’Baach eran.
    Dofir ass et mer am Endeffekt ganz egal wéivill Lächer an deem “Programm” vun der LRJPL sin, et ass ee Grupp Jonker deen sech net vum Juncker soen léisst wat se gefällegst ze denken hun. Ass dat wat se denken besser? Dat ass komplett egal, et ass eppes anescht wéi dat wat de Juncker de Leit well antrichtren, an dass Jonker nach emmer selwer kennen iwwerleen och wann d’CSV dat eigentlech net well ass respektabel.

  13. deng antipathie geint den juncker an eieren thierry, mais nee et ass net egal wat eng partei seet just well se eppes anescht seet wei den juncker ech bieden dech :)
    do fannen ech lächer am programm grad sou schlemm well du muss am idealfall alles reegelen an dofier misst de schon eng idee hun wats de mechs :)
    mais du sees jo selwer de letzeboier ass ze domm fier sech politesch gedanken ze maan, dozou soen ech der awer den juncker ass do dann awer nach keng sou schlecht alternatif(net di bescht tout a fait d accord och wann mer momentan keen an der politik afällt deen ech zu mei fäheg haalen)…. dass et soll d bach agoen heieren ech schon jorelang konkret geet et ons net mei schlecht wei all den aneren länner et geet ons souguer besser
    an nee ech wielen net den juncker :) mais mech steiert dei extreem astellung geint en(wann en just nemmen en soff wier wier en international net sou bekannt just fier een beispill ze nennen)
    :P sténker net schaff mer eng eescht ze huelen alternatif aus, well tescht juncker an der partei deis de hei gepost hues wielen ech juncker :P
    ech wees dass faul mais wann ech muss wielen wielen ech dat klengsten iwwel (ech hat mech frun 2 joer eng keier mei konkret mat der politik beschäftegt mee dei divers manifesten fun den parteien hu mech beschtenfalls erheitert an erschreckt well deelweis ideen dobei waren dei net op eng kouhhaut gin)
    an menger meenung no leit do nach en groussen problem mir hun ganz weineg “komplett”parteien.
    neischt geint dei lenk neischt geint dei greng si hun an bestemmten bereicher wei ech fannen immens gutt ideen, mais an richtungen dei net hier stärkt sin do well ech nie am liewen dass se bokassa-ähnlech sech duerchsetzen …

  14. Éierlech gesot Thierry, ech wees net, wen ofgesinn vum Juncker eist Land iwwerhaapt féire kéint. Du kanns soen, wat s de wëlls, mee och wann net alles glänzt, wat e mecht, en ass awer nach den eenzegen, deen ech kompetent genug halen, fir eise Premier ze sinn.

    Hätte mer eng valabel Alternativ, géif ech näicht dogéint soen, dass de op e klapps, mee et géif mech wierklech interesséiren, wen s du dann als eng sollech proposéire géifs.

  15. @ Chris

    also ech fannen, dass een en Xavier Bettel oder en Claude Meisch net ennerschätzen dierf. Déi 2 sinn a mengen Aan kapabel eng Regierung unzeféieren.

    @ all

    An éierlech gesoot, den Sprooch “Et ass jo soss keen do ewéi de Juncker! E mescht et awer gudd!”, daat ass wuel dee Sprooch iwwert d’lëtzbuerger Politik an d’Lëtzebuerger, deen mech am meeschten nervt (an deen ech awer zimlesch oft héieren. Zumols vun Jonken, déi einfach nemmen droplauschteren waat hier Eltere soen. An den Här Juncker ewuel deenen meeschten Jugendleschen bekannt ass. Géi emol duerch d’Groussgaas an da frees de déi Jonk “Nenn mer 5 letzebuerger Politiker!”, déi meecht komme wahrscheinlech emol net op 3, mee den Juncker kennen se bestemmt all.)

  16. Emmer rem déi Juncker-Debatt :D
    De Juncker ass en Kallef, en arroganten Iesel an wat wees ech. Mee en hält de Buttek um Laafen, an en ass déi lescht 10 Joer gudd gelaaf. An och wann sech soulues en aaneren Trend oofbillt, de Juncker ass einfach “the man”. Ech sin och net emmer frou mat senger Politik, mee leider ass nach keen obgetaucht, deen eng besser alterativ huet, dann leiwer dat klengt Iwwel.

  17. Mee en hält de Buttek um Laafen, an en ass déi lescht 10 Joer gudd gelaaf.

    majo dann. an der schoulpolitik si mer ennen ukomm, arbeschsplaazen ginn et emmer manner, bauplatzen ebenfalls, d’finanzen sinn komplett am A*** (dëst Joër maache mer wahrscheinlech en Defizit vun ronn 1 Milliard!), mir sinn op der 24. Plaatz an der EU waat d’emsetzung vun direktiven betrefft. SUPER!

    den buttek ass just “gelaaf”, well d’Lëtzebuerger näischt matkrutten! Ween vun ierch kruut, dann zum Beispill mat, dass den Budget 2007 (mat der 1 Milliard) staark kritiséiert gouf, e.a. vun der DP. Wahrscheinlech déi mannst! Firwaat? Well den Här Juncker den Michel Wolter mam roude Léiw nofirgescheckt huet!!! An waat hun d’Lëtzebuerger gemaach: si hun eng “Initiativ Roude Léiw” gegrennt an den RTL (wou een sws ka soen, dass d’CSV de Chef do ass) mellt natiirlech nemmen iwwert d’Beléiftheet vum roude Léiw.

    D’Lidd “I need to wake up” aus dem Inconvenient Truth misst een de Lëtzebuerger och emol laafe loosen. Well MIR mussen och emol erwechen!!

  18. pardon ech hu mech geiirt, mir sinn esou guer déi 25.(!) (vun 27.) waat d’emsetzung vun eu-direktiven betrefft. respekt!

  19. Naaaaja. Du hues secher Recht, dorun zweiflen ech net. Mee ech fillen mech emmer rem berouegt wann ech bei d’Nooperen kucken, do leeft IMHO nach manner.
    An Schmu hues de iwwerall. Vläit si mer um Buedem, mee du vergess, dat dat heiten Haus nach e puer Stackwierker ennert sech huet.

  20. “dat heiten Haus nach e puer Stackwierker ennert sech huet.”

    lol an eis prisonéier tanzen eis, mat deem bild, da schons um kapp ronderem. daat maachen se zwar sws schons, mee well mer jo elo och nach wëssen, dass d’prisonéier zu schrasseg einfach emol op den daach klammen an do zu e puer ronderem laafen!

    eng weider saach zum “laafen vum buttek”:
    Lëtzebuerg leit wäit ennert dem durchschnett an der EU, waat d’notzung vun ernéierbaren energien betrefft! mir leihen do op der 21.(!) vun 25 Plaatzen mat 2.42 % ; den EU-Durchschnett ass 6.38 % !
    An dorunner ass och den Här Juncker Schold, och wann hien daat ganzt gescht an d’Schong vun der DP an der LSAP gedréckt huet. Schließlech ass hien zanter elo 12 Joër Regierungschef!
    (Grafik: http://ec.europa.eu/energy/res/sectors/images/2006/index_2.gif / D’Zuelen vun 2005)

  21. jongen berouegt ierch mol :)
    dier kennt mer soen wat der wellt :) ech kaafen ierch net oof dass un allem eng eenzeg persoun schold ass an der gestalt fum juncker … soot mer ons politik ass faul , soot mer ons parteien sin all läppercher bzw alleguerten mett richteg lenks oder riets gett et net, soot mer mir hun den juncker saat; mais soot mer net ouni den juncker wier alles besser an den juncker as un allem schold :) mir wunnen net an engem totalitären staat an och en bokassa mecht net nemmen wat en wellt.
    also dass mer ons richteg verstin, ech sin mat averstaan dass bei ons d politik verwässert ass an den faulen appel dran ass, mais ech fannen d schold op een eenzegen ze schieben ass ze kuerz gekuckt, wann ech ierch liesen mengt een ouni den juncker wier alles a butter.

    bzw off-topic : tom ech muss emmer lachen wann ech dat wuert erneierbar energie liesen: sou eppes gett et guer net, dat as en scheint wuert wat d politiker sech afalle geloos hun … an wat dei statistik betrefft och di 6% sin enorm lächerlech a stelle menger meenung no greisstendeels versuchsopbauten duer.

    wat dei verschidden ooflenkungsmanöver an der politik ugin (roude leif bspw) mecht dat wuel jiddereen wann et em grad helleft, ech fannen dat och duerchaus verwerflech mee ech gleewen net un chreschtkennercher an der politik sou sachen hess de och ouni juncker an mat anere leit

  22. Hei leeft jo eng schein diskussioun :-)

    Wien as de juncker? :-D lo huet en zwa en hond den churchill heescht, mee as na lang sou en greisst wei den aale winston (och wann en et vleit mengt)… An den churchill hat o vill wahle verluer…

    Soit….

    Komesch dass mir am fong do all als individualisten denken: parteien sin all schlecht, et kann e verstoen dass ee sech net engageiert etc. etc. Ech perseinlech fannen dat eierlech gesoot just eng domm excuse, fir just nozekucken an ze knouteren mee naischt ze maachen, well et sin awa nun mol na emmer d’politiker dei dezideieren an d’saache lenken. A bis lo kennen ech keen besseren system wei dee vun der representativer demokratie (mei referenden keinten vleicht sin, mee och a mossen, soss riskeirt d’politik och emmer mei an bellegen an demagogeschen populismus ze verfaalen – cf franseich wahlkampagne, do kann en dach kee mei eescht huelen wei se de sondagen nolaafen)…^Doweinst sin ech jo och member an enger partei wat net heescht dass ech alles kopfwinkend unhuelen (bien au contraire), mee opmanst geseit ee sou vleit mei wat dohannert as a wirwat saachen sou dezideiert gin a net anescht, an et kann en o mol probeieren selwer saachen ze aenneren…

    Blogs sin natirlech do och net schlecht, fir ze debatteierenm diskuteieren an iddien ze man… ebe just eng mei individualistesch approche… besse wei eis lenksxtremisten, 4 parteien op dem bord well se all sou intransigeant sin dass se sech mei ennert sech streiden wei am fong de groussen kapitalistesche feind ze bekaempfen… Wa se méi ereechen…

    Naja, irgendwei awa berouegend ze gesin dass d’jugend guer net sou onpolitesch wei se sech gett :-D thierry, dein blog as politik :-D vleit keng parteipolitik, mee awer politik… Misst e just na aus dem gekouters eppes konstruktives opbauen… oder duerno awa mat deenen anere leit stemee goen, wat dei meescht souwisou dono maachen…

  23. @ Serge

    ech sinn mat der d’accord dass et falsch wäer alles op eng persoun zegehéien. Och wann ech net grad de Juncker säin gréissten Fan sinn, ass et awer fir mech kloer, dass en och gudd saachen hei am land gemaach huet, an dass et jo och emmer d’parteien sinn déi régéieren an net 1 eenzeg Persoun.

    jo ok den terme “erneierbar energie” ass net grad besonneg, mee ewéi een terme giffs de dann huelen fir déi sorte vun energie zebeschréiwen? An déi 6 % sinn och lächerlech, mee dofir musse mer jo ELO eppes maachen! Dofir ass et och esou lächerlech, dass déi däitsch an lëtzebuergesch Medien sech haut op een Interview mat engem däitschen Typchen vun der EU beruff hun, deen mengt, d’EU ass sws schons wäit fir wat déi Saach ugeet.

    “wat dei verschidden ooflenkungsmanöver an der politik ugin (roude leif bspw) mecht dat wuel jiddereen wann et em grad helleft, ech fannen dat och duerchaus verwerflech mee ech gleewen net un chreschtkennercher an der politik sou sachen hess de och ouni juncker an mat anere leit

    jo stemmt. mee dofir soen ech jo, mir mussen erwechen an d’politesch Geschéien hei am Land beobachten.

    @ régis

    Jo en besseren System ewéi d’Demokratie f?ällt mir och net an ;) Ech sinn och denger Meenung iwwert d’Referdumen, do ass et ganz kloer zevill ass net gudd.

  24. Mhmm, den Thierry huet gesoot waat ass an sengem Pramphlet op de Juncker! An ech haasen den Saatz “Mir hun jo soss keen!”.

    Deen Saatz beweist nämlech den groussen Defizit vun eiser Bananenrepublik…eh…Bannenmonarchie, nämlech daat hei nemmen Persounen gewiehlt gin an keng Inhalter. An dann ass et natirlech net neideg SELWER gewiehlt ze gin, mee et geht duer wann en en Sportler als Zugpferd huet.

    An Parteipolitik ass eben de groussen Manktum un “eiser” Demokratie: et wiehlt en en Komplettpacket an der Form vun enger Persoun, déi en iwerhaat net anschätzen kann. Hei misst eng Form fonnt gin, wéi d’Leit selwer d’Richtung vun hirem Land bestemmen kennen, an daat eben net esou einfach wéi nemmen mat engem Kraiz bei engem Numm vun engem Typ, den engem symphatesch ass, well en en aus gin huet oder dem Sabine Christiansen frech geäntwert huet an fir 5 Minuten de perséinlechen Held waar.

    Daat ass och daat grousst Lach zweschen “der Politik” an den “politschen” Jugendlechen; déi weinegst sin an enger Partei, an daat aus guddem Grond.
    An ech wees wéi et ass: Ech stoung zwee mol an der Wahlkabin (fir Schülercomitéeswahlen, wéi blöd!) an hun geduercht: “Du glews net un representativ Demokratie. Denger Meenung no misst Anarchie herschen an jiddereen bestemmen, waat muss gemaach gin. Schülercomiteen hun vill ze weineg Muecht an sin net representativ.” An dunn hun ech trotzdem en Kraiz gemaach, well ech et ziemlech komesch fonnt hätt, en ongültegen Ziedel ofzegin. Obwuehl daat méi menger Iwerzeegung entsprach hätt.
    An esou ged et secher och villen Leit an de Wahlkabinen. Also, daat se wiehlen fir gewiehlt ze hun. An eigentlech därf en hei am Land jo net netwiehlen, oder hun ech daat falsch verstaanen?

  25. Laut eiser Verfassung muss een wiele goen, jo.

    Et stemmt, waats de sees. Daat bescht wäer wann een hei am Land just däerf eng Partei wielen an net déi eenzel Leit, déi mer dann emol Politiker nennen. Et kann een jo net gläichzeiteg fir den Juncker, den Bettel, den Bodry, den Mehlen stemmen (wann daat méiglech wäer mat den Waalbezierker). et kann een just soen: “hei ech sinn” an net daat aanert! daat aanert verstin ech net!

  26. Ech kennen zwar Anarchisten, déi net wielen gin. Do mécht och keen eppes, well et sou eng geréng Zuel ass, an eis Justiz souwisou schon total iwwerlaascht ass mat méi wichtegem. Du kanns awer ee wäissen Ziedel ofgin, dat gesäit jo keen an herno kann och kee kontrolléiren obs du dat elo wars, d’Ziedlen si jo anonym.

    Zum Juncker: Hei klengt et a verschiddenen Kommentaren esou wéi wann ech gesot hätt, de Juncker wier un allem Schold. Do hun ech mech vläit e bessen onglécklech ausgedréckt, mee dat wollt ech domat net soen. Wat ech soen ass, dass de Juncker vun sech (an der CSV) behaapt, e wier u guer näischt Schold, an dat ass falsch, dreckeg, blöd, watochemmer, well och wann hien vläit net d’Haaptschold trefft an allem, sou ass hien als Premier trotzdeem matresponsabel. Wann an Amerika d’Gesondheetswiesen net besser gett kéim och kee Mensch op d’Idee ze soen, dat ass dem Gesondheetsminister Leavitt seng Schold, den Bush huet jo domatter näischt ze din, dee kann net dofir. Wat seet dat iwwert dem Lëtzebuerger seng Blannheet vis-à-vis vu senger eegener Politik? Think about it.

    Ech sin och net der Meenung, ouni Juncker wier alles am Botter. D’Astellung vun de Leit muss sech änneren fir dass et erem biergop geet. Mee soulaang d’Leit guer net mierken, dass mer scho längst ennen ukomm sin (an dat ze verheemlechen kann de Juncker exzellent) bleiwen mer am Misère. Eng gudd Alternativ zum Juncker? Wéi mäi Brudder och schon sot, ass den Xavier Bettel zimlech ennerschätzt. Ech well net soen, dass en eng Regierung kéinnt leeden, mee en huet Potenzial, an am Géigesaatz zum Juncker fir dee Premier-sin schon eppes ass wéi Alldag, misst ee Xavier Bettel nach an déi Roll erawuessen, an sou eppes kéinnt positiv sin. Den amerikanesche System ass net perfekt, mee déi hun och net aus Dommheet eng Begrenzung, dass ee just zwou Waalperidoden kann President sin!

    Ech sin och der Meenung et misst méiglech sin, Leit ze wielen, a net eng Partei. An mir mussen ufänken, d’Gesetzer emol serieux ze huelen. Et kann dach net sin, fir emol vun der Landespolitik kuerz an d’Lokalpolitik ofzeschwäifen, dass am Gesetz explizit steet, dass ee Buergermeeschter fir d’Period vu 5 Joër gewielt gett, an dann eng ganz Rei Gemengen higin an d’Gesetz briechen andeems se grondlos “splécken”. D’Politiker haalen sech net un hier eegen Gesetzer, well se wellen maachen wat hinnen grad passt. Do kommen dann och esou Wieder ewéi “Wielerwellen” zustaanen. Mon oeil! Wann mer géingen Persounen wielen a net Parteien, wier d’Anne Brasseur haut nach emmer mat grousser Ennerstetzung vum Wieler Éducationsministesch (kuckt iech d’Resultater vun de leschte Waalen un!). Ech sin der fester Iwwerzeegung, dass eisen Éducationssystem dann net esou katastrofal géing ausgesin wéi elo. An de Juncker wier zwar wahrscheinlech trotzdeem Premier, mee en hätt garantéiert keng CSV Regierung méi hannert sech stoen. Eng Regierung mat Leit aus verschiddenen Parteien, deenen hier Ideen dem Vollék zousoen, a net eng Partei déi ee nemmen gewielt huet, well déi eng Hallschent vun den Ideen net allze schlecht ass, wisou ass dat net méiglech? Ah, ma well d’Politiker dat wellen. Woumat dee gréissten Probleem um Wee an eng richteg Demokratie d’Regierung selwer ass. Iergendwéi traureg.

    Ech dreemen zwar och vun enger Anarchie, mee Lëtzebuerg bréngt et jo mol net färdeg eng Demokratie anstänneg hinzekréien, wéi der Däiwel soll sou ee Vollék anarchistesch gin? Emsou méi wou d’Leit zum gréissten Deel nach emmer der Meenung sin, Anarchie wier Chaos.

    Ech an der Politik? Ech hu mer déi Fro mol nach ni gestallt, an ech gesin mech och iergendwéi net als Politiker. Ass mäi Blog politesch? Déi Diskussioun hei bestemmt – mee allgemeng? Ech gesin et éischter als en deelweis philosophesche Blog un, mee Interpretatioun ass jiddferengem selwer iwwerlooss.

  27. ok sou differenzeiert gin ech ierch allen zwee recht :): dier hudd recht :); dat firdrun wa fier mech einfach bessen fill wei eng tirad geint de juncker riwerkomm an net wei eng kritik un der politik allgemeng. wat dat ugeet kann ech dem gesooten nemmen zoustemmen.
    bon gin nemmi op alles an wei gesot sin zu 99% d’accord

    @tom: naja en richtegt gutt wuert gett et net: vermeintlech “greng” energie fleit ;)? alternatif energie ? nei energie ?
    ech hun gescht nodeem ech hei kommenteiert haat den ard opgemach an hung an den noriichten, ech hu mech greng a giel geiergert; do huet sou een idiot fun der csu riicht an d kamera ra gesot hien geing soen et geing lo duergoen lo misst eppes gemach ginn hien wier dofier all d autoshiersteller ze zwengen bis 2012 op hydrogen emzestellen fier dass mer endlech eppes fier d emwelt ginge maan.
    ech wees dass mei lieblingsthema mee nach eng keier hydrogen ass net wasser an net vice versa an hydrogen hierstellen kascht mei energie wei den equivalent un benzin am auto verbrennen an produzeiert mei co2, soufill zou mir maan eppes fier d emwelt an dat seet dann sou een frun der kamera wohlwissend dass en ganzen koup leit doroper rafallen well an den emissiounen ganz oft vergiess gett ze soen wou den hydrogen dann iwerhapt hierkennt (mol ganz dofun ze schweigen dass mer wassereserven zur hierstellung gingen opbrauchen dei enorm sin an do hu mer dach och en manktum)

    soufill dozou :P, thierry d politik brauch philosophen an leit dei sech un eng gewess ethik haalen, dein blog ass net politesch :)

  28. Alles ass politesch! *radikalanarchoparolenblär*

    Vlaischt wier et eng alternativ mat Ethanol ze fueren. Endweder wéi bis lo am Verbrennungsmotor oder an der Brennstoffzell.
    Natirlech ass och daat net der Weisheit letzter Schuss, mee domm Politiker brengen eis do och net weider.
    Ech perseinlech geif jo mol bei der Verpackungsindustrie ufänken an zB. Gedrenksbecksen mat Steiren/Kompensationszuelungen probéiren ze verdrängen.

  29. @ fireball jop dat wier schon en ganz gudden ufang ….
    mais dat ass momentan net den trend momentan klappen se all op de flugverkeier :P well d fligeren plus bunn maan ganzer 19% fun der emweltverknaschtung aus, wei soot gescht nach sou een topert op de selweschten noriichten fum ard : d’autoen dei maan net fill verschmotzung mir mussen d fliigerreesen reduzeieren …
    wat son ech dozou : muahahha buahahahhahhaha rofl …

  30. hmm… Leit wielen amplaatz parteien? sou wei am 19. joerhonnert? back to the roots? ok, do wa all mensch mat sengem gewessen vleit am kloeren, mee op do eng koherent politik gelaaf as? well am fong haellt jo alles zesummen (cf. Éducatioun mat arbecht mat pensioun mat sozialleschtungen, etc.). Ech sin do guer ent mam thierry averstaanen! Hei zu letzebuerg as de system scho vill ze vill op leit akkzeiert duerch dee panachage (wei den tom jo och festgestallt huet), an doweinst gett net iwwert iddien an inhalter diskuteiert. Deelweis as dee wahlsystem do och un der iwwerdriwener personalisatioun vum JCJ schold… Mee d’letzebuerger wellen dat awer! “Well et as jo emmer e nicki op enger lescht fir deen e net wiele well” resp. “ech sin zwa gro, mee de michi vun deene mauven huet mir awer scho puer beier ausgin, den as fein, dee muss ech lo och wielen”… Soit… Iwwregens zum thema brasseur, dat huet sech och an eng mei vaste politik ageschriwwen, duerch eng vill mei pousseiert selektioun vun der “elite” (cf. promotiounscritèren 9e an 10e dei agefouert gi waren) wa dat ganz an der optik vun engem konservativ-liberale gesellschaftsmodell deen, de fait, dorobber rausgelaaf as mei onqualifizeiert leit ze hun… Wat och du mam grethen senger wirtschaftspolitik fir mei industrien hei unzelackelen zesummegehangen huet. Ech soe net dass alles wat d’mady delvaux lo mecht gudd as (secher net), mee et entsprecht fir mech mei dem gesellschftsbild wat meint as: nohellef wat vun der schoul muss ugebuede gin, d’schoul dei kuckt sozial differenzen teschent de schüler an de greff ze kreien fir dass all mensch eenegermosse gleich chancen huet etc…

    A wat soll dei endzeitstemmung do? Jongenm dir sidd dach ich fir dei meescht am ausland op der uni, nee? Da kuckt mol ronderem iech!!! Do as et neierens vill besser vill hei! eischter de geigendeel! Kuckt mol den staatsdefizit vun deenen anere laenner! Kuckt mol weieng sozialleeschtungen mir hei hun a weieng z.B. an Grouss-Britannien! Kuckt mol den chômage taux! Etc. etc. Soit, heescht net dass en lo naischt maache soll an dass alles rosa roud as, muss e jo kucken dat ze erhaalen (weiderausbauen as en desen zeiten effektiv schwiereg), mee bon, mir liewen awa o net am Burkina Faso!

  31. @ Serge
    jo dat schlemmst fannen ech nach wann leit a politiker hi ginn an d’Asiaten fir den Klimaproblem responsabel maachen. daat ass lächerlech an (pardon mee et ass esou) domm! schließlech hu mir hei am westen zenter 40 alles an d’luut gebloosen, waat mer konnten ouni emzekucken. an elo gesi mer ee problem an denken “Merde. Ween ass dann esou sozial staark elo? Ween bléisst do momentan am meeschten an d’Luut? Merde, d’Amis , tjo do kenne mer näischt soen, ehm d’Asiaten! Richteg elo hu mer se!” daat ass lächerlech!!!

    @ Thierry

    ech sinn ewéi den régis och, net mat dengen iwwerleehungen averstaan. Et hängt quasi alles zesummen an dofir ass den demokrateschen system momentan deen beschten. dat kann sech secherlech änneren, mee momentan gesäit et net dono aus. sry :)

    @ Régis

    “Well et as jo emmer e nicki op enger lescht fir deen e net wiele well” resp. “ech sin zwa gro, mee de michi vun deene mauven huet mir awer scho puer beier ausgin, den as fein, dee muss ech lo och wielen”

    genee

    bei der schoulpolitik muss ech der awer widersprichen. ech glewen dass d’anne brasseur um richtege wee waar. de problem waar just (ewéi esou oft an der politik) zäit! mme brasseur haat net genug zäit, et waar net duer gaangen fir resultater op den desch zeleehen an dann ass een an der politik op verluerener säit. esou traureg ewéi et ass, mee dat ass fakt! (laut enger internationaler studie vun virun e puer joer, ass och festgestalt ginn, dass an der éducatioun een sytem 10 joër minimum muss laafen ier een kann soen: falsch oder super)
    Zu den promotiounscritèren 9e an 10e, muss ech soen dass déi (ennert der mme brasseur) gudd waaren. ok, et huet een missten eppes leeschten fir op eng 10 TG bspw. zekommen, mee ouni leechtung geet eben näischt, daat ass esou an der schoul, an der politik, am ganzen liewen.
    Bei den aktuellen promotiounscritèren ginn et problemer! D’schüler vun 9e mussen praktesch guer näischt méi maachen (se musse just hiert joër gepackt hun an an der mathé eng iwwer 38 (moyenne générale) hun, gläichzeiteg kennen se zum beispill am d?aitschen 30, am franzéischen 21, am engleschen 30 etc. etc. hun.) fir op eng 10 division technique kennen zegoen. Ech wees, dass dëst joër schüler am 1. trimester 10e TG alt 7 oder alt 8 Datzen op der zensur haaten. vun 3 classen 10 TG wees ech, dass do keen 1(!) schüler waar, deen keng datz am 1. trimester haat. Lo froen ech mech, waat brengt daat deenen schüler?!? ok, si hun et gepackt fir an division technique kennen zegoen, mee déi mannst wäerten op eng 11e do kommen!
    Ech wees och, aus enger ganz secher quell, dass dëst joër ee schüler (an engem groussen lycée technique) op enger 7e ST setzt, deen analphabet (!) ass! ewéi ass esou eppes méiglech. domaater kritiséieren ech elo net d’mme delvaux, ech fannen just dass momentan an eiser schoulpolitik esou vill zu ongonschten vun eis schüler gemaach gett, ouni dass déi meescht elteren et mierken an eppes änneren, ceci dit eng aaner partei wielen, op aaner läit setzen.
    Waat mat den neier structuréierung vum technique gemengt ass, wessen villäicht déi mannst, mee et ass eng sauerei! an DAT ass op d'”elite” gesaat, waat d’mme delvaux domatter mecht an d’educatiounsministesch purt déi méi schwaach domattter ganz erof!
    (P.S. ech wäert daat ganzt thema “emstructuréierung secondaire technique” zu engem méi spéiden datum, och eng kéier a mengem podcast duerchhuelen)

    fir ofzeschléissen, muss ech der awer nach eng kéier recht ginn. :) actuellement geet et eis hei am land nach gudd, mee mir mussen, ewéist du och schons soos, trotzdem elo oppassen an wann et méiglech ass, eppes änneren (besser maachen).

  32. @tom

    Hehe, ech mengen teschent engem frenn vun der DP an engem frend vun der LSAP kenne mir zum thema edukatioun net op e gemeinsame nenner kommen ;-). Ech fannen zwa och dass iwwert d’ziel weggeschoss gin as bei den promotiounskritären, mee se si schon rem bessen ugepasst gin. Mee fir mecht stemmt d’grondphilosophie… Mee mengen iwwert dei gi mir zwee eis souwisou net eenz. Dat as eng saach vun iddien, idealer, visounen, glaawen un e gewessen gesellschatfsmodell, gesellschaft, gott, richtung, oder weis de dat o emmer nenne wells ;-). Wann d’ziel en anert as, sin d’moyen och verschidden… Feinofstemmung vun der neideger punktenzuel kennt o na irgendwann (domatter sin et o am aale system problemer gin). Den “analphabet” op enger 7e ST as awa e komesche kauz. Den huet jo dann der Mme Hennicot hier orientatiounsprozedur am 6te schouljoer komesch iwwerstaanen? Naja, op alle fall huet dat net vill mat promotiounskriteren am lycée ze din ;-)

  33. Ech mengen, an dat ass meng perséinlech Aschätzung well ech sin am Endeffekt och nemmen een Aussesäiter, den Ennerscheed tëscht dem Tom senger Sicht an dem Mady Delvaux / denger Sicht ass firun allem deen, dass den Tom am System setzt a gesäit watfir een Onheel et unriicht. D’Ministesch setzt an engem Büro a kritt statistesch Auswertungen. Tëscht selwer am System sin an de System vu baussen beobachten an wellen reforméiren ass een Ennerscheed vun Dag an Nuecht. Wéi gesot, ech well dem Tom keng Wieder an de Mond leen, dat wier meng Sicht wier ech an senger Positioun.

  34. @ régis

    lol stemmt ewuel. giff da soen, dass mer et esou maachen ewéi “eis” parteien an den juncker kritiséieren, well hien “eis” kritiséiert huet. ;)

    @ thierry

    do hues de ewuel recht. ech gin dag fir dag nei saache gewuer, ewou eng méi schlemm ewéi déi aaner ass (gleewt mer et!) :/

  35. Ech probeiern dann lo nach engkeier mein Kommentar heihinner ze schreiwen. Et eiert mech jo dat dier hei iwwert eis kleng Gruppeirung diskuteiert, nächst keier kennt der mer awer bescheet soen ^^
    Nee, also wei der gesit op eisem Site hun mer den Programm erofgehol well en effektiv net grad gudd wor. Mier hun och decideiert keng Partei ze grennen, dei Idee wor eischter jugendlicher Leichtsinn. Also an der Saach sin mer keng Utopisten. Mier sin lo eng politech lenksorienteiert Jugendbeweegung, der et och nach mengem Wessens net zu Letzebuerg an der Form get.
    Ech huelen dann och direkt Stellungsnahm zu der Ausso mat den Projets Klassen. Seit September sin dei eischt Schüler aus den PROCI Klassen wei se genannt gin, an den 10èmen. Ech hun dat am Januar geschriwwen. Etude ass jo an teschenzeit eraus, an get als Reussite duergestallt. Schüler sin net esou begeeschtert vun denen PROCIS Klassen, d Resultater sin bei denen dei ech kennen par Rapport vun der 9ème och em ca. 20-30 Punkten erofgaang. Dat sin der nawell vill. Et sin der soguer dobai, dei d Schoul ganz geschmass hun, wou een sech iwwerhaapt froen kann wat dei op enger 10ème ze sichen hun.
    An nee eis Organisatioun gouf net am Suff gegrennt gin ^^

Leave a Reply

Your email address will not be published. Required fields are marked *