Den zenséierte Réckbléck

Dee vun 2008 gëtt et hei.

1. Of- oder zougeholl?
Ofgeholl. Dunn iwwert de Summer erëm zougeholl. An an de leschte Wochen erëm ofgeholl.

2. D’Hoer méi kuerz oder méi laang?
D’selwecht. D’Faarf huet sech awer geännert, déi éischt Halschent vum Joer woren d’Hoer schwaarz.

3. Méi kuerz- oder méi wäitsiichteg?
Ech sinn nach genau sou kuerzsiichteg a blann ouni Brëll ewéi virun engem Joer.

4. Méi Geld oder manner?
Méi, mengen ech.

5. Méi ausginn oder manner?
Manner.

6. Méi beweegt oder manner?
Méi. Ech war zu Paräis, zu Bréissel, zu Amsterdam, zu London, dunn erem zu Bréissel, am Summer zweemol zu Cardiff, ech war zu Locarno, zu Bern, zu Basel, zu Luzern, zu Lausanne, zu Montreux, zu Dagmarsellen, zu Birmingham, an nach eng Kéier zu London. Zielt Tréier och?

7. Deen hirëssegste Plang?
“Ech gesinn d’Strooss do em den Eck!”

8. Dat geféierlechst Ennerfaangen?
Zur Chrëschtdagszäit duerch d’Oxford Street zu London getrëppelt. I dare you!

9. De beschte Sex?
❚❚❚❚❚❚❚❚❚❚❚❚❚❚❚❚❚

10. Déi deierst Uschafung?
Ech hunn mer dëst Joer guer net esouvill Deieres kaf. Den drobo huet wahrscheinlech am meeschte Geld kascht.

11. Dat leckerst Iessen?
Trüffellinguine. Et ass schon gäil an enger Stad ze wunne wou et ee Jamie Oliver Restaurant gëtt.

12. Dat beandrockenst Buch?
The Time-Traveller’s Wife. Ech hunn et moies um 9 Auer um Trafalguar Square ugefaangen an et nomëttes am Zuch op Bréissel fäerdeg gelies. A mech dobäi ganz liicht an d’Claire verknallt.

13. Deen ergräifendste Film?
Up 3D. Kann awer och drun geleeën hunn, dass d’M niewent mer mat den Tréine gekämpft huet an dat meng Meenung beaflosst huet.

14. Déi bescht CD?
The Stranger’s Dozen vu Special Patrol. Gottseidank gëtt et Australien. Aus anere Länner koum dëst Joer net vill Erwienenswertes.

15. De schéinste Concert?
Mimas. Am D:qliq. Den Trompettist stoung matzen an de Leit, direkt nierwt mer. Wat eng gäil Musek.

16. Déi meescht Zäit verbruecht…?
mam Versuch mer driwwer kloer ze ginn, wat ech vum Liewe wëll.

17. Déi schéinsten Zäit verbruecht…?
mam genialste Meedche vun der Welt nierwt menger Schwëster, dem M.

18. Virherrschend Gefill?
Verdammt vill Traueregkeet. Onheemlech vill Freed. Um Enn huet dat sech zimlech ausbalancéiert. Ech war dëst Joer zanter laangem awer net op engem Begriefnis, also ass et ënnert dem Stréch amfong ee gutt Joer géing ech soen.

19. Dëst Joer déi éischte Kéier gemaach?
Ganz bewosst den Entschloss gefaasst, ouni Rücksicht op Verloschter fir mäin Gléck ze kämpfen.

20. Dëst Joer no laanger Zäit erëm gemaach?
E puer Deeg zu Bréissel verbruecht.

21. Dräi Saachen op déi ech gutt hätt kéinnte verzichten?
Mäi niddrege Bluttdrock (Zocker vum Zänndokter kréie ftw, wat gëtt dee mer och ee Rendezvous moies fréi). De Fliger zu London schon erem ze verpassen. Déi onbeschreiflech inkompetent Administratioun zu Cardiff. (Si hunn mech elo schon dräimol agedroe fir Politik, ech froe mech a wéi ee schwaarzt Lach meng Reklamatiounen eigentlech ëmmer hi verschwannen).

22. Déi wichtegst Saach, vun där ech wollt een iwwerzeegen?
Dass d’Cardiff University een Dreckslach ass. Dat maachen ech och weiderhin, an et klappt zimlech gutt. Dat hei ass iwwregens meng Fakultéit, en Hannerhaff tëscht zwee Haiser (kee Witz!).

23. Dat schéinste Geschenk, dat ech engem gemaach hunn?
Ech hunn dem M een ❚❚❚❚❚❚❚❚❚❚❚❚❚❚❚❚❚ geschenkt an et ass mer vu Freed em den Hals gesprongen.

24. Dat schéinste Geschenkt, dat mir ee gemaach huet?
Ech krut vum J méintelaang en Zemmer fräigehale fir de Fall, datt ech erem géing op Cardiff zeréckkommen, an op d’Gefor hin, dass d’Zëmmer herno eidel stéing. Esou eng Frëndschaft fannen ech dat gréisste Geschenk vun allen.

25. De schéinste Saz, deen een zu mir sot?
“I’ll miss you.”

26. De schéinste Saz, deen ech zu engem sot?
“I promise you’ll see me again, and I always keep my promises.”

27. Dëst Joer war mat engem Wuert …
Emotional.

Dim

Eng Emarmung. Just ee Brochdeel vun engem Moment. Ech stinn niewendrun, kucken, spieren ewéi ech lues a lues glécklech ginn. Et kann näischt méi nokommen elo. Et war schéin dech kennenzeléiren. Dech och. Si laachen allenzwee. Mir soen eis Äddi, zéien eis zeréck an eis eege kleng Welten. Déi puer Sekonnen droen ech mat mer. Fir d’éischte Kéier weess ech: all meng eenzel Liewe kënnen net nëmme laanschtenee verlafen, si kënnen och dat Selwecht sinn. Déi zwee Liewen, déi ech am meeschte wëll, fir ganz kuerz hat ech se als ee Liewen, an der Nuecht ënnert enger schwaacher Stroosseluucht an an der Äiskeelt: doheem. An ech hunn ee Laachen am Gesicht, während ech mech a mäi Bett niewent déi falsch Persoun leeën. Alles gëtt gutt.

It’ll Be Okay

Nine Inch Nails – A Warm Place
The Weepes – How You Survived The War
Iron & Wine, Calexico – He Lays In The Reins
Tyler Hilton – Insomnia
David Gray – Let The Truth Sting
WAZ – Hardly Enough
Fionn Regan – Put A Penny In The Slot
Lisa Mitchell – Red Wine Lips
Mates of State – California
B. Fleischmann – In Trains
The Decemberists – Isn’t It A Lovely Night
Rilo Riley – Capturing Moods
A Fine Frenzy – What I Wouldn’t Do
Eisley – Memories
Arturo Stalteri, Gaio Chiocchio – La Visione / La Primavera Feroce
Sophia – Where Are You Now
Noah and the Whale – Beating

The End of Time

Den 1. Januar stierft en, dee coolsten Dokter vun hinnen all. An dat lescht Kapitel ass esou schéin düster, esou melancholesch, esou schwéierfälleg. E brécht an Tréinen aus, en gëtt zou dass en aleng ass, beicht dass e vill Feeler gemaach huet, färt den Doud ewéi och all Mënsch färt. De Master schwelgt an Erënnerungen un déi rout Wise vu Galifrey, an et gesäit een ewéi en endgülteg Opfer vu sengem eegene Wahnsinn gouf. An och wann de Master mengt, hie kéint säin Zil areeche – lues a lues fügt sech d’Bild zesummen ewéi ee Puzzel, zu engem bombastesche Cliffhanger dee kee jeemools kéint virausgesinn…

I’m travelling alone. I thought it was better, but I did some things… it went wrong.

The noise… The drumbeat… Louder than ever before. The drums… The neverending drums. Oh, I have missed them.

And so it came to pass that the players took their final places, making ready the events that were to come. A madman, sat in his empire of dust and ashes, little knowing of the glory he would achieve, while his saviour looked upon the wilderness in the hope of changing his inevitable fate. Far away, the idiots and fools dreamt of a shining new future, a future now doomed to never happen. As Earth rolled onwards into night, the people of that world did sleep and shiver, somehow knowing that dawn would bring only one thing: the final day.

Quiz

De Joël huet et schon e puer Mol virgemaach. An well mer grad op Chrëschtdag duersteieren an ech Plaz a mengem Regal brauch, maachen ech him dat dann emol ganz frech no. Ze gewannen gëtt et een fonkelneit Buch, well ech en Ennerschriwwent vum Auteur krut a natirlech keng zwou Kopien brauch.

Déi eenzeg Spillregelen sinn: déi éischt richteg Änwert gewënnt, jiddfereen dierf just eng Änwert ginn an de Rechtswee ass ausgeschloss.

Fro: Wien fällt aus der Rei, an firwat?

George Orwell — Benjamin Black — Ellis Bell — Ian Fleming — George Eliot

Alles steet stëll

Nach esou een Lidd, dat et mer ugedoen huet: 25th of the 12th vum Louis Eliot & The Embers. Et ass Dezember, dobaussen reent et, ech verbréngen dëse Weekend net beim I. zu London well den Zuch vill ze vill deier war, an ech sinn trotzdem gudd gelaunt. Well Dezember ass an ech en Beemchen hunn, well d’Heizung leeft an ech mat enger Taass Schocki en gudde Film kucken an well ech iergendwéi weess, dass alles gudd gëtt.