Paintball

Déi Erfahrung also och endlech gemaach.

23 thoughts on “Paintball”

  1. Déi aner Grupp hu kee Wuert Englesch geschwat an keng eenzeg Regel (si hunn einfach weidergespillt nodeems se ugeschoss goufen an si hunn op “doudeg” Leit geschoss déi mat erhuewener Hand vum Feld gelaf sinn) oder Sécherheeten (ee Meedchen huet d’Mask während dem alleréischte Spill ausgedoen, krut voll an d’Gesicht geschoss, an ass dunn mat bluddeger Lësp erausgeheit ginn, an trotzdem hunn dono nach Leit dat Selwecht gemaach) respektéiert.

    Et war gréisstendeels flott, a sou lues kann ech och erëm trëppelen a mäi lénken Aarm beweegen. Verspieren awer guer keen Drang et nach eng Kéier ze maachen.

    Sou gesäit dat iwwregens aus, wann een ugeschoss gëtt. An et brennt ufanks nawell schéin.

  2. Ass natierlech Null, wa keng Regelen an Sécherheetsbestemmung agehalen ginn …

    Ech fannen Painball ok. An et realiséiert wéi séier et a Wierklechkeet an sou enger Situatioun mat engem kéint färdeg sinn!

  3. Huet eis och alleguerten zimlech séier genervt. Mä dofir sinn och genuch Chinesen erausgeheit ginn (net just aus dem Spill, si kruten Zougangsverbuet zum Gelände).

    Wéi séier esou eppes ka goen war mer och scho virdrunner kloër. :)

  4. Wéi martialesch…

    Zitat Grommel, vum 2. Mee:
    “Ech perséinlech haassen Gewalt (zumools sadischter Natur), am Film an natierlech nach vill méi am realen Liewen.”

    Hmm?

  5. @Thierry:

    > Wéi séier esou eppes ka goen war mer och scho virdrunner kloër :)

    Theoretesch villäicht. Mee et ass eppes anescht, wann s de et ‘richteg’ erliews. Fannen ech opmanst.

    @Chris:

    > “Ech perséinlech haassen Gewalt (zumools sadischter Natur), am Film an natierlech nach vill méi am realen Liewen.”

    Paintball ass net gewalttäteg (de But ass jo net fir wéi ze doen, et ass éischter e Geschécklechkeetsspill). An sadistesch ass et schon guer net. Opmanst net, wann ech et spillen. Mee nice try ;)

  6. Wie séier een a Wierklechkeet doud am Gruef läit, fir dat ze wëssen muss een just emol “Americas Army” spillen. Ech mengen Paintball kann als “Teambuilding”-Geschicht ganz cool sinn. Héichseelgaart awer genau esou.
    (Hm, Paintball um Héichseelgaart?)

  7. @Joël:

    Jo, zu engem gewëssen Deel mécht och ‘America’s Army’ engem dat kloer, mee beim Paintball ass et vill méi real an intensiv.

    Sech virtuell de Fanger ze schneiden ass jo och net dat selwecht wéi sech en effet de Fanger ze schneiden, oder? ;)

  8. Chris: Full ack. Paintball ass Krich “spillen”, mat dem eenzegen Ennerscheed datt ee mat Faarwkugelen schéisst amplaz mat richtege Kugelen.

  9. Natierlech ass et ‘Krich spillen’. Betounen läit op spillen. Mee d’Intentioun ass NET fir engem wéi ze doen. An dat mécht een och net, wann een sech un d’Regelen hällt.

    Esou gesinn ass et net méi gewalttäteg wéi Tennis. En Tennisball kann wesentlech méi wei doen wéi eng Paintballkugel.

    Gewalttäteg Aktivitéiten hunn normalerweis de But fir engem wéi ze doen, oder ieren ech mech do?

  10. Thierry:

    > Paintball ass Krich “spillen”, mat dem eenzegen Ennerscheed datt ee mat Faarwkugelen schéisst amplaz mat richtege Kugelen.

    E ‘klengen’ awer feinen Ennerscheed ;)

    En plus sinn d’Intentioun an d’Ziel vun béiden Aktivitéiten total verschidden. Duerfir bleiwen ech dobäi: Paintball ass net gewalttäteg.

  11. Definitioun vun Gewalt:
    ———————-
    Die im heutigen Sprachgebrauch verbreitete negative Belegung ist in Begriffen wie Gewalttat, Gewaltverbrechen, Gewaltverherrlichung, Vergewaltigung wie auch im Distanz schaffenden Begriff Gewaltlosigkeit enthalten. Gewalt im negativen Sinne wird dabei häufig als schädigende Einwirkung auf andere verstanden. Als Gewaltformen werden physische oder psychische, personale oder strukturelle (oder auch kulturelle), statische oder dynamische unterschieden.

    Ein engerer Gewaltbegriff, auch als „materielle Gewalt“ bezeichnet, beschränkt sich auf die zielgerichtete physische Schädigung einer Person.

    Der weiter gefasste Gewaltbegriff bezeichnet zusätzlich die psychische Gewalt (etwa in Form von Deprivation, emotionaler Vernachlässigung, „Weißer Folter“, verbaler Gewalt, Emotionaler Gewalt) und in seinem weitesten Sinne die „strukturelle Gewalt“. Zudem fällt Vandalismus unter diesen Gewaltbegriff, wenngleich sich die Einwirkung nicht direkt gegen Personen richtet.
    ———-

    Paintball fällt do offensichtlech net drënner: ‘schädigende Einwirkung auf andere’, ‘zielgerichtete physische Schädigung einer Person’.

  12. Sorry fir die vill eenzel Posts …

    @Chris: ‘Völkerball’ an der Primärschoul ass also dann och gewalttäteg? (dat et vun der Symbolik hier gesinn net déi bescht oder intelligentsten Sportaart ass, doriwwer kann een diskutéieren)

  13. wann ech ferdeg si mat laachen kommen ech vleit zreck en gescheiten kommentar hannerlossen

    cool thierry kriss de lo eng veteranenpensioun :D ?

  14. “En plus sinn d’Intentioun an d’Ziel vun béiden Aktivitéiten total verschidden. Duerfir bleiwen ech dobäi: Paintball ass net gewalttäteg.”

    D’Intentioun vum Krich ass e Konflikt mat Gewalt ze léisen.
    D’Intentioun vum Krich spillen, ass trotz kengem Konflikt sech géigesäiteg ze joen an iwwertrompen. Juegd ass eng Form vu Gewalt. Kann een och op dengem Blog noliesen.

    Ech hu Recht.

    qed

  15. Chris:

    Ech wees, dass du ëmmer Recht muss hunn, mee et ass awer an desem Fall net esou.

    > D’Intentioun vum Krich spillen, ass trotz kengem Konflikt sech géigesäiteg ze joen an iwwertrompen.

    Iwwertrompen ass de But vun ALL Spill, wou et em gewannen geet. Ass Kaartenspillen also och gewalttäteg?
    Ech bleiwen dobäi: Paintball ass, wann eng normal Definitioun vun Gewalt gebraucht gët, net gewalttäteg.

    Mee Juegd ass natierlech Gewalt! Do gët jo och eppes Lieweges doud gemaach. Dat ass jo de But vun enger Juegd. Beim Paintball, sou wäit ech mech erenneren, ass dat awer net de But? Dat misst du, als cleveren Jong, jo awer agesinn?

  16. Okay, du hues mech “als cleveren Jong” bezeechent, an domat zielen ech d’Argument da lo mol fir mech als gewonn, well s de rëm eng perséinlech Nout hues missen erabréngen.

    Plus, wann s de liese géifs wat ech schreiwen, géifs de mierken, dass ech dat Wuert “gewalttäteg” net gebrauchen. Ech schwätze vun enger “Form vu Gewalt” an dovun, dass de op aner Mënsche schéiss, an dass et “martialesch” ass. Du muss kee gewalttätege Mënsch sinn fir Gewalt unzewenden oder un engem martialeschen Akt deel ze huelen.

    An, dass de bei dengem Argument mam Kaartespill Recht hues, dass et net gewalttäteg ass, ass natierlech wouer. Mä vue dass de ganz einfach just d’Halschent vu mengem Argument domat beliichts, fannen ech et net wierklech iwwerzeegend.
    A bei der Juegd geet et net drëm eppes Lieweges dout ze maachen. Et geet och ëm d’Gefill vun der Iwwerleeënheet, wann ech dat op dengem Blog richteg nogelies hunn. Dorëm s geet et och beim Paintball.

    Hei nach emol meng Ausso, fir nozeliesen, fir dass de der virun denger nächster Äntwert (op déi ech lo wou ech ganz ausféierlech mäi Standpunkt breet geluecht hunn, net méi zréck komme wäert) ganz sécher si kanns, wat ech der gesot hunn:

    Paintball ass martialesch an eng Form vu Gewalt, well et Zweck vum Spill ass op aner Mënschen ze schéissen, dës ze joen an ze iwwertrompen.

  17. Chris:

    > Okay, du hues mech “als cleveren Jong” bezeechent, an domat zielen ech d’Argument da lo mol fir mech als gewonn, well s de rëm eng perséinlech Nout hues missen erabréngen.

    Ziel du wat s du wëlls, du wees jo souwiesou ëmmer alles besser :)

    > Plus, wann s de liese géifs wat ech schreiwen, géifs de mierken, dass ech dat Wuert “gewalttäteg” net gebrauchen. Ech schwätze vun enger “Form vu Gewalt” an dovun, dass de op aner Mënsche schéiss, an dass et “martialesch” ass. Du muss kee gewalttätege Mënsch sinn fir Gewalt unzewenden oder un engem martialeschen Akt deel ze huelen.

    Nice try again.
    Ech hat geschriwwen: “Paintball ass net gewalttäteg”
    Du hues dat zitéiert an kommentéiert mat: “Du schéiss op aner Mënschen. Nice try, my ass.”
    Domadder hues du jo wuel implizéiert, dass meng Ausso, dass Paintball net gewalttäteg wier, falsch wier. Logesch Conclusioun: ‘Paintball ass gewalttäteg.’

    > An, dass de bei dengem Argument mam Kaartespill Recht hues, dass et net gewalttäteg ass, ass natierlech wouer. Mä vue dass de ganz einfach just d’Halschent vu mengem Argument domat beliichts, fannen ech et net wierklech iwwerzeegend. A bei der Juegd geet et net drëm eppes Lieweges dout ze maachen. Et geet och ëm d’Gefill vun der Iwwerleeënheet, wann ech dat op dengem Blog richteg nogelies hunn. Dorëm s geet et och beim Paintball.

    Dat Gefill vun Iwwerleeënheet bei der Juegd gët jo eben doduerch ausgeléist, oder konfirméiert, dass een eppes wat geliewt huet, doud gemaach huet. Wier dat nët esou, da kéinten d’Jéeër jo mat Tranquilizer schéissen amplaz mat richteger Munitioun.

    An d’Gefill vun Iwwerleeënheet kënt op villen Plazen zum Virschäin oder ass d’Ziel usech: och beim Kaartenspillen, beim Völkerball, beim Schach, suguer beim Diskutéieren. Sinn dat dofir alles gewalttäteg Aktiounen? Net a menger Welt. A net esou laang net eng Verletztung, egal op psychologesch oder physesch, intentionnéiert woer.

    > op déi ech lo wou ech ganz ausféierlech mäi Standpunkt breet geluecht hunn, net méi zréck komme wäert

    Natierlech net. Le Roi a parlé :)

    > Paintball ass martialesch an eng Form vu Gewalt, well et Zweck vum Spill ass op aner Mënschen ze schéissen, dës ze joen an ze iwwertrompen.

    Wou genau has de dat doten geschriwwen? Ech kann dat am Thread net fannen. Mir schéngt et wéi wann s du hei deng ursprünglech Meenung veränners, oder opmanst präziséiers. Egal wéi ass et net dat, wat s de virdrun gesot has. An mat der Definitioun do ass Völkerball jo dann och gewalttäteg? A ‘Fänkies’?

    An natierlech simuléiert Paintball eng gewalttäteg Situatioun. Dat heescht awer net, dass Paintball spillen usech gewalttäteg ass. Dat wier et JUST, wann d’Intentioun wier deenen aneren Spiller WEI ze doen.

    Wann s de éierlech wiers, da giffs de zouginn, dass däin Argument net dréit. Mee dat geet wuel géint däi Stolz, duerfir erwaarden ech dat och net.

  18. Mussen déi perséinlech Ugrëff permanent sinn? Éierlech lo. Mir diskutéieren iwwer Paintball. Sou wichteg ass dat net, dass de mir Frechheete maache muss.

    “Nice try again.
    Ech hat geschriwwen: “Paintball ass net gewalttäteg”
    Du hues dat zitéiert an kommentéiert mat: “Du schéiss op aner Mënschen. Nice try, my ass.”
    Domadder hues du jo wuel implizéiert, dass meng Ausso, dass Paintball net gewalttäteg wier, falsch wier. Logesch Conclusioun: ‘Paintball ass gewalttäteg.’”

    Dee Punkt ginn ech der. Do hätt ech méi präzis kënne sinn.

    “Wou genau has de dat doten geschriwwen? Ech kann dat am Thread net fannen. Mir schéngt et wéi wann s du hei deng ursprünglech Meenung veränners, oder opmanst präziséiers. Egal wéi ass et net dat, wat s de virdrun gesot has.”

    Ech hunn néierens am Verlaf vun der Diskussioun meng Meenung geännert, se just erweidert. Dat ass Bestanddeel vun enger Diskussioun, soss kéint se jo net viru goen. Wann s de wierklech déi genee Wierder vu mir net fënns, da gleewen ech der dat net.

    Ech denken, dass et beim Paintball och dorëms geet engem aneren wéi ze doen. Vläicht net a bewosstem Mooss, mä wann een op aner Leit schéisst, ass sécherlech e gewëssen Sënn dobäi dem aneren wéi ze doen. Opmannst hëlt een et a Kaf. Ech verstinn däin Argument, a kloer ass Paintball e Spill, mä ech denken net, dass een ëm den Hang zur Gewalt ofsprieche kann.

  19. Chris:

    > Mussen déi perséinlech Ugrëff permanent sinn? Éierlech lo. Mir diskutéieren iwwer Paintball. Sou wichteg ass dat net, dass de mir Frechheete maache muss.

    Aw, come on. Wéi wann s du mëch hei net virféieren wéils a bewéisen wéils, dass ech mer giff widderschwätzen etc … Du bass jo extra den 5. Mee mat där Intentioun en Zitat vu mir vum 2. Mee siche gaang (op en aneren Blog!). Du hues mech jo hei ‘ugegraff’ (obwuel ech net de Sujet vum Post sinn) well s de irgendwéi eppes géint mech hues. Wat een jo och bei dengem rezenten *thorben-ubied* Comment op dengem eegenen Blog gesi kann … Ass jo ok, mee stéi wéinstens dozou! :)

    > Dee Punkt ginn ech der. Do hätt ech méi präzis kënne sinn.

    Du häss am Fong missen méi präzise sinn well esou, wéi s du et geschriwwen has, huet et guer net deng (spéider?) Meenung reflektéiert.

    > Ech hunn néierens am Verlaf vun der Diskussioun meng Meenung geännert, se just erweidert. Dat ass Bestanddeel vun enger Diskussioun, soss kéint se jo net viru goen. Wann s de wierklech déi genee Wierder vu mir net fënns, da gleewen ech der dat net.

    Et deet mer leed, mee op Grond vun dengen limitéierten Comments bis zu deem Punkt woer deng spéider Meenung net erauszeliesen.

    > Ech denken, dass et beim Paintball och dorëms geet engem aneren wéi ze doen. Vläicht net a bewosstem Mooss, mä wann een op aner Leit schéisst, ass sécherlech e gewëssen Sënn dobäi dem aneren wéi ze doen.

    Absoluten Quatsch. Firwat sollt ech mengen Kollegen, oder och aneren, wëllen ouni Grond wéi doen?? Ech bestreiden dat do. Du schéngs do zevill vun dir selwer dran ze projezéieren?

    > Opmannst hëlt een et a Kaf.

    Natierlech kann een engem aneren ONBEABSICHTEGT wéi doen. Mee dat kann een am Fussball, oder suguer am Tennis, och.

    > Ech verstinn däin Argument, a kloer ass Paintball e Spill, mä ech denken net, dass een ëm den Hang zur Gewalt ofsprieche kann.

    Ech bestreiden dat weiderhin well Gewalt implizéiert, dass een engem aneren bewosst a gären wëll Schued zoufügen. An dat ass hei, op alle Fall bei mir (a wuel bei deenen meeschten), net de Fall.

  20. Wéini gi mer mol een drénken? Dat ass den eenzegen Auswee, deen ech aus dëser Lag vun géigesäitegem Onverständnis gesinn.

  21. Kéint een bei Geleegenheet eng Kéier man.

    Annert awer näischt un der Tatsaach, dass Paintball, wann et richteg gespillt gët, net gewalttäteg ass well d’Ziel jo eben net ass fir engem aneren wéi ze doen.

Leave a Reply

Your email address will not be published. Required fields are marked *