A Week of Music: Familjen

Wou kéime mer hin, wann et keng schwedesch Musék géing an dëser Serie ginn. De Johan T Karlsson, aus dem Land mat der groussartegster Musék vun der Welt, mécht ënnert dem Kënschtlernumm Familjen allerfeinsten Electropop. Dräi Albumer ginn et mëttlerweil vun em, an och op sengem 2010er Album Mänskligheten séngt en seng Lidder nees op Skånska (en ass aus der Provënz Hässleholm), een ostdäneschen Dialekt, deen awer och oft als südschwedeschen Dialekt ugesi gëtt. Erfierhiewenswäert si virun allem seng Zesummenarbéchten mam Ninsun Poli um aktuellen Album. Hei ass déi exzellent Single När Planeterna Stannat vu senger aktueller LP.

Leave a Reply

Your email address will not be published. Required fields are marked *