May 2010

A Week of Music: Angus & Julia Stone

A mir ginn nees zeréck an Australien, op Newport bei Sydney fir genee ze sinn. D’Geschwëster Angus a Julia Stone sinn 2006 mat hierer EP Chocolate and Cigarettes an der Musékszen opgedaucht. Big Jet Plane ass vun hierem aktuellen Album Down the Way, deen am März (respektiv Abrëll a Frankräich) dëst Joer erauskoum.

A Week of Music: Elbow

Déi Meeschte vun iech wäerten Elbow, déi britesch Alt Rock Formatioun, ënner Ëmstänn scho kennen. Hier Single One Day Like This gouf éiweg laang iwwerall erop an erof gespillt. Manner bekannt ass awer hieren Optrëtt bei BBC Radio 2 virun annerhalwem Joer, bei deem se en Album an eng Live DVD opgeholl hunn, zesummen mam BBC Concert Orchestra an dem Londoner Chouer Chantage. Fir The Fix, deen der hei ënnendranner fannt, huet hinnen ausserdeem de Richard Hawley ënnert d’Ärm gegraff. Esou vill geballtent musékalescht Talent gesäit ee net oft, an d’CD/DVD ass wierklech z’emfeelen.

A Week of Music: Paul Dempsey

Ech stellen iech eng Woch laang Kënschtler a Bands fir, déi ech nei entdeckt hunn, déi ech scho méi laang kennen mä déi an Europa net groussarteg um Radio gespillt ginn, oder einfach Musék déi mir gefällt an déi ech gären géing weideremfeelen u Leit déi se eventuell nach net kennen. Den Ufank mécht den australesche Kënschtler Paul Dempsey, ee vu menge léiwste Muséker a fréiere Sänger vu Something for Kate, mat der drëtter Single vu sengem Debutalbum Everything Is True vun 2009. Crumble-Fans dieft e bekannt sinn, ech hu säi Lidd Ramona Was A Waitress de läschte Summer an der Spezialsendung iwwert australesch Bands lafe gelooss. Hei ass den offizielle Video fir Bats.

Zitater (26)

Rickards. Roof terrace. Now. You cocksucker. // He said ‘see you in an hour’, so we won’t see him till midnight when he comes stumbling in utterly wasted. // If binge drinking is defined as four pints, what do we call your fourteen pints now? // Barney Stinson? Who’s he? // I gave her boyfriend a condom, he looked very confused. // Every time I have a drink in there I’m with a different girl, I wonder what the bar staff thinks of me. Maybe I should ask her out… // What were you hoping for? That I don’t know what buggering is so that you could seduce me later? // It’s the same on Kitchen Nightmares every time Gordon Brown tries the food… // There’s obviously a lot of sexual tension here. Wanna fuck? // We can call it the W. paradox: there is always enough beer for one man, but a man never has enough beer. // I decided to call it a night when he came back to the flat with carpet burns and a bra that apparently wasn’t his girlfriend’s. // You two shagging each other yet? // I still had a hangover from last night and I was five pints drunk when my lecturer came into the pub. // She’s not your girlfriend? But you two are so close… Have you tried sleeping with her? // Bon, ech si mol duschen, d’Joer ass bal riwwer a virun den Examen wollt ech mech nach eng Kéier wäschen… // Sief dach frou, datt et op mannst sange kann. Et gi Leit déi sinn net schéin a kënnen net sangen. D’Grinsekatze z.B.

Walen

Ech souz mat menge Matbewunner an dem Meedche virun der Këscht an hunn d’Alternative Election Night gekuckt, wou de Countdown bis 22 Auer gezielt gouf an esoubal et esouwäit war, déi dräi Haaptkandidaten ënnert anerem als “fuckwits” bezeechent goufen.
D’M. huet sech opgereegt, dass ee wéinst deem houre Juncker jo emol net méi Lëtzebuerg kéinnt als Flucht huelen, während ech schwedesche Cider gedronk hunn a mat menge Matbewunner ugefaang hu Pläng ze schmieden an Neuseeland ze plënneren, well se do jo sou ultrafortschrëttlech sinn. Mä och wa mer elo een hung parliament hunn, et ass dat geréngert Iwwel géigeniwwer enger absoluter Tory Majoritéit. Dass ausgerechent hei Constituencies ewéi Port Talbot un d’Conservatives gefall si mécht mer trotzdem e bëssen Angscht, well et do extrem vill Armut an iwwerhaapt kee Mëttelstand gëtt. Ech bleiwen awer dobäi: mir ass alles léiwer ewéi de Juncker. Och ee PM Cameron.
An am Géigesaz zum Juncker senger Ried e Mëttwoch, déi ech emol net ganz duerchgestanen hunn, hunn déi heite Walen sech ugefillt ewéi wann se mech wierklech géinge betreffen, wat mengem Brudder wuel och esou geet.
Wéi de Steve Punt sot: mir waarde mol nach bis Oktober, ier mer den Jingle fir d’Vote Now Show ewech geheien.

Pedwar

Hatt steet am Hallefdäischtere viru mer an där künstlecher Höhl, déi esou soll ausgesinn ewéi wa se aus der Steenzäit wier, a kuckt de Mammut un, dee mat enger onheemlecher Beweegung ëmmer nees seng riseg Zänn Richtung Visiteur schwenkt. Et fillt sech un ewéi dat no deem de Faust gesicht huet an wat de Mephisto him ni ginn huet – mir sti virun enger ausgestuerwener Spezies, iergendwann si mir dat villäicht och an dat ass een demütegende Gedanken – an ech brauch op eemol näischt anescht méi op der Welt ewéi dëse Moment. Déi douce Luucht hëlt ëm näischt ewech vu senger Schéinheet: de Schied heemelt säi Gesiicht an d’Fonkelen a sengen Aan fillt sech un ewéi e Liichttuerm un deem mäin Häerz sech kann orientéiere. Ech sinn am fräie Fall duerch d’Äonen, a wat ass schon en Ausstierwe wann een Ablack Existenz sech ufillt ewéi d’Éiwegkeet.
Am nächste Raum leeft eng Videoprojektioun iwwer Vulkaner, mat – esou wäit mäi wallisesch et mer erlaabt – Erklärungen iwwert d’Äerdplacken déi virun e puer Millioune Joere gebrach sinn an d’Bierger vu Snowdonia a Midwales geformt hunn. D’Biller si beandrockend, och no all den Opname vum Eyjafjallajökull. Ech kréien net direkt mat wien soss nach am Raum ass, et gëtt keng Luucht ausser där vun der Leinwand, bis d’Meedche mech stupst. Nieft him sëtzen zwee kleng Bouwen, déi mat groussen Aen d’Explosioune bestaunen, an all Kéiers “kabumm” soen wann erëm gigantesch Äschewolléken an den Himmel gespaut ginn. Ech gesinn hatt viru mengen A schmëlzen, ech fillen et meng Hand drécken, “oooh wéi léif” flüstert et an a senger Stëmm läit eng Sehnsucht déi iwwert alles erausgeet dat ech jemols héieren hunn.
Mir paken den zweeteelste Stee vun der Welt un, bal véier Milliarde Joer ass en al, an den eelste Steen aus Wales, ëmmerhin nach 700 Millioune Joer. Et leie vill Fossilië ronderëm, vun Déieren déi et scho laang net méi ginn, oder déi sech weiderentwéckelt hunn an haut ënnert anerer Form existéieren.
“Enges Daags sinn eis Iwwerreschter villäicht och an engem Musée, an iergendeng aner Spezies freet sech wéi eis Liewe wuel ausgesinn hunn,” soen ech während mer laanscht en Dinosaurier vun dräizéng Meter Längt trëppelen.
“Villäicht,” änwert hatt, “a wann, hoffen ech déi Spezies weess och wat Léift ass.”
Ech huelen et an den Aarm an drécken em e Kuss op de Bak. Soll d’Welt sech roueg weiderdréien a veränneren – ech hunn d’Éiwegkeet.