Kuerzkritiken, oder sou (12)

Looper. Ech hat mer, op d’Traileren hin, net vill méi erwaard ewéi een Actionfilm mam Bruce Willis an dem Joseph Gordon-Levitt. Dat war mer Argument genuch, fir mech mat engem Eemer Popcorn dohinner ze setzen an mer e puer Gehierzellen ewech ze balleren. Wat ech um grousse Bildschierm ze gesinn krut, war eng positiv Iwweraschung: jo, et ginn Schéissereien an Kläppereien, mä de Film huet eng Prämiss déi den Trailer net verréit an eigentlech geet et guer net esou vill ëm den jonken Mafiakiller géint säin eelert Alter Ego. De Film ass vill méi eng interessant Interpretatioun vum Dilemma, ob ee géing an der Zäit zeréck reesen fir den Hitler emzebréngen ier en zum Diktator gëtt. (Nee, et geet net ëm den Hitler, och d’relativ Vergangenheet am Film läit an onser noer Zukunft.) Ech wëll net zevill verroden – sief just gesot, dass der iech dëse Film getréischt kënnt undoen. 4/5

Ruby Sparks. D’Prämiss vun dësem Film huet mech als een, deen selwer gäre schreiwt, intriguéiert. E jonke Schrëftsteller dreemt no joerelaangem Schreifblock vun engem Meedchen a fänkt doropshin un vun ëm ze schreiwen, a verléiwt sech iwwert dem Schreiwen an et – an enges Dags steet hatt an der Kichen tatsächlech virun him. Et ass eng romantesch Comedy mat Twist, an och wann de Film sech an der Mëtt e bëssen zidd, sou konnt ech mech erschreckend gutt mam Schrëftsteller identifizéieren (et berouegt mech och, dass ech offensichtlech net deen eenzegen sinn, deen sech an seng eege fiktiv Charakteren “verléiwt”). Et ass e léiwe Film, mat engem wonnerschéinen Soundtrack an iwweraschendem Schluss. 3.5/5

Taken 2. De Liam Neeson mécht een sech besser net zum Feind. De Plot ass séier erklärt: dës Kéier kidnappen se seng Fra, an de Liam Neeson mécht mat sengem “very particular set of skills” dat wat e schon am éischten Deel gemaach huet. Dës Kéier dierf seng Duechter ëm souguer dobäi hëllefen. Et ass genau dat, wat een sech erwaart. Sou sënnlos ewéi den éischten Deel, a genau sou spaasseg. Muss een net gesinn hunn, ass awer gudden Popcornkino. 3/5

The Perks of Being a Wallflower. Baséierend um Buch, erzielt de Film d’Geschicht vun engem scheie Bouf deen sech a sengem éischte Joer am Lycée mat den Ofschlossjoer Schüler Patrick a senger Stéifschwëster Sam ufrënnt. Während en sech séier an d’Sam verléiwt brécht e lues a lues aus senger Schuel eraus, gëtt awer vun depressive Gedanken geplot, well den Doud vu senger Tata en net lass léisst. De Film ass esou, ewéi sech Teenager-sinn ufillt – d’Charakteren sinn esou realistesch, dass et zwou Stonnen laang esou richteg wéi deet hinnen nozekucken. Vu Frëndschaft iwwert den éischte Kuss bis hin zum Mobbing an der Schoul wéinst dem Patrick senger Homosexualitéit ass alles dobäi – a wann der d’Buch net gelies hutt, bleiwt onbedéngt vu Spoileren ewech ier der de Film kucken gidd. Ech si mat Gänsehaut heemgetrëppelt. Wahrscheinlech de Film vum Joer. 5/5

Zitater (33)

Ech brauch nei Still fir de Balkon, mäin Aarsch schléift ëmmer an. // No women, but you could shag a kebab. // I’m not thinking about your cock. Much. // Quite frankly, if you don’t care about apostrophes then I don’t care about seeing your breasts. // Ech hu sou komesch Flecken um Pyjama an ech weess net wisou. Vläit hunn ech een am Schlof ëmbruecht. // Wild monkey sex! // You just kissed my tits! // Cum on your face is really not a nice feeling. // I am downloading ‘gay truth or dare’. // NSFW-but-innocent-looking? Isn’t that just Thierry in general? // Can I have my smoky Mexican with honey? // The best thing about our generation is that we have porn in HD. // It’s like a weird mix between Pokémon and kink. I’m a little bit scared. // I am going to date Taylor Swift, tell her my favourite fruit are oranges, then break up with her. She’ll never find a rhyme for that and she’ll never be able to write a fucking song about me. // Stop whipping me! // Bring a hearty sense of adventure, and the willingness to blow raspberries longer and harder than you’ve ever done before. // Does Felicia Day have a boyfriend? If not, how do we get her to go out with Thierry? They would be perfect together. // I told my parents we moved into that house because it’s near the church. The truth is, there’s also two pubs on that street.

Feed your mind

D’Entscheedung, eng nei Sprooch ze léieren koum aus engem traurege Moment eraus: ech hu schon ëmmer, wann ech um Buedem louch, komplett nei Saachen a mengem Liewen gebraucht, net onbedéngt fir mech direkt ofzelenken mä well et sech eben vill méi schwéier op negativ Gedanken konzentréieren léisst wann een et mat neien Informatiounen voll pucht. Wallisesch ass eng Sprooch, déi ech wollt léieren zanter ech viru sechs Joer heihinner geplënnert sinn an an där Hisiicht koum mer dat ganzt Elend vun de leschte Méint iergendwéi geleeën. Wallisesch ass och eng Sprooch, mat där engem hei um Aarbechtsmarché eng Hellewull Dieren opginn, an dat ass ee fantasteschen Nieweneffekt.
Haut den Owend war den éischte Cours, an et war immens. Ech hunn vill méi geléiert ewéi ech et mer erwaart hat, wat wuel och dorunner läit, dass mer alleguerten schon multilingual sinn an duerch d’Liewen hei schon dat eent oder anert Wuert opgeraf hunn, an et eis dofir méi einfach vun Hand geet. Mir sinn just zu fënnef – dat fannen ech eng gutt Zuel, well de Proff eis all kann nolauschteren an eis Aussprooch a Grammaire verbessere kann.
Ech kann mech net erënneren wéini ech mech fir d’Lescht esou gutt a menger Haut gespuert hunn. Wahrscheinlech sinn ech ee vun deene Mënschen, déi einfach net glécklech kënnen sinn wann se net permanent nei Saachen léieren. Ech brauch intellektuellen Input fir Energie ze hunn – ironescherweis misst ech no e puer Stonnen léieren midd sinn, mä mäi Gehir leeft op Héichtouren. Et ass e wonnerbaart Gefill.
Hoffentlech heescht dat, dass ech demnächst och erëm méi Loscht op an Energie fir Schreiwen a Bloggen hunn – ech verspriechen näischt, mä momentan fillen ech mech ewéi wann ech d’ganz Nuecht duerch tippen kéint.
Ech drécken no engem ganzen Joer endlech nees d’Schoulbänk, an ech si glécklech. Dass ech mech eng Kéier esou wuel op der Cardiff Uni géing fillen, hätt ech och ni geduecht.